最近沉迷玩動物森友會,玩到Joy-Con都開始出現失控偏移問題。其實呢個問題喺Switch好常見,好多早期及資深玩家都作出過大控訴。如果唔想額外花錢買原廠Joy-Con,不如試吓呢個「不專業維修」法,小T嘅Joy-Con都係靠佢暫時解決到偏移問題,大家可以參考下。

首先,檢查Joy-Con係咪真係有飄移失控問題。

打開[設定]內的[控制器與感應器],再搜尋[校正操控搖桿]


之後就會見到以下畫面,按一下想檢查嘅搖桿以示確定,再郁下佢做測試,就檢查到係咪真係會偏移啦。


確定咗佢真係會偏移之後,就可以拆開Joy-Con同主機,準備WD-40 精密電器清潔劑。


噴嘅位疊係操控搖桿下嘅軟膠皮位,一下就可以啦,記得噴完唔好郁佢一小時,之後就玩得啦。希望呢個方法幫到大家慳錢啦。