全球疫情未受控,港人最喜歡到訪嘅日本,當地疫情亦相當嚴重。今年可以出行嘅機會相當細,不過去唔到,都可以睇吓相,望梅止渴啦~

第68年「日本觀光海報比賽」作品正式出爐,今年全國總共收到139項參賽作品,當中有34項通過了初選。再由評審團嘅專業角度嚟決定呢34幅作品中嘅每一個獎項!呢個仲係日本國内唯一嘅「觀光海報」比賽,所以參賽者都會用盡腦汁,從作品中欣賞日本人美學。

國土交通大臣賞
由九州旅客鐵道嘅「まだ見ぬ九州へ。 」(未知的九州)系列得到 。呢套海報嘅主角由JR九州D&S觀光列車擔任,試幻想坐喺車廂中,欣賞綠油油嘅森林山景,穿過隧道後係另一番未知嘅風景,每一秒嘅光景都令人想好好記錄。





總務大臣賞
「The Resort, Nikko.」係東武鐵道嘅作品,一系列嘅海報都以中禪寺湖為主角,中禪寺湖四季景致分明,每次到訪都總有驚喜。




網路投票冠軍
鹿兒島屋久島宣傳海報贏得網路投票冠軍,呢一套作品亦係小T最鍾意!鹿兒島市係位於日本九州島南端嘅一個城市,而屋久島就喺鹿兒島嘅最南方,喺1993年就被列入為世界自然遺產。唔講唔知~原來呢度仲係宮崎駿—《幽靈公主》嘅取材背景。



更多作品:
https://www.kankou-poster.com/68vote_result.html