唔知大家玩動森出島果陣,有冇遇過呢一隻動物仰韶?被評為五大動森恐佈村民之一嘅仰韶,陶土嘅身體加上無五官,嘴同眼都只喺得個窿。同佢講野亦無表情變化,感覺詭異又神秘,有啲人甚至俾佢嚇親。不過根據仰韶呢個名,加上佢嘅日文名Yayoi(やよい),都可以顯示佢其實大有來頭!


仰韶呢個名,其實喺源自仰韶文化而改,仰韶文化喺黃河中游地區重要嘅新石器時代文化,出現時期約為公元前五千年至公元前三千年前,1922年一位瑞典學者Johan Gunnar Andersson喺河南三門峽地區仰韶村,發現呢個遠古文化遺址,亦成為中國現代考古學誕生嘅開始,而仰韶文化亦喺中國新石器時代中第一個被正式命名嘅遠古文化體系。及後仰韶文化遺址亦被發現分佈整個黃河中游地區,再唔淨喺局限於仰韶村。


仰韶文化喺一個以農業為主嘅文化,仰韶文化前期陶器多為手制,有啲陶器亦有用編織物印落作圖案,亦會彩繪幾何圖形。唔少陶器都以泥紅陶同紅褐陶為主,所以陶器顏色多為紅色。

可以見到,仰韶呢個中文官方譯名,其實喺動森一個小彩蛋,而仰韶日本原名Yayoi(やよい)更貼近呢隻陶土兔仔嘅原型!

Yayoi喺指日本嘅彌生時代,為西元前10世紀到3世紀中後期,當時人們大多使用彌生式土器,所以呢個時代就被稱為彌生時代。


而呢個時候亦都有「埴輪」出現,以粘土製作,大部分都喺中空。埴輪出現喺彌生時代晚期,埴輪常見於日本古墳上方同附近位置,確切用途雖然未能確定,但由於有人型、動物型、屋型埴輪等,所以都唔少人認為喺一種陪葬品同裝飾品,唔少埴輪都以一行行排列,所以都被認為喺表現葬禮情景,重現生前祭典嘅表現,以表達敬意。


仰韶嘅座右銘喺「前方后圓墓」,前方後圓墓喺日本常見古墓形態,唔少前方後圓墓出土嘅文物當中,都會有埴輪出現,而後期隨住時代改變,埴輪製作逐漸消失,前方後圓墓亦一樣同時間消失。


所以仰韶嘅真身,好可能就喺彌生時代嘅兔型埴輪。動森成功以陶土質感嘅動物包裝,用呢個迷人神秘嘅角色,吸引唔少人去研究呢幾個有意思嘅歷史文化呀!



手捏陶瓷工作坊 (私人班)

私人班減低交叉感染風險,講解陶瓷基本知識,教授傳統手捏方法。

報名傳送門☞https://timable.com/event/1905324



外賣彩繪陶瓷工作坊

將陶瓷工作坊帶入你屋企,安在家中為作品上色,詳細教學無難度

報名傳送門☞https://timable.com/event/1907993



清酒Set工作坊 (迷你拉坯體驗+手捏陶瓷體驗)

一次過體驗晒兩種做陶瓷既方法,製作屬於你的一套清酒套裝作品。

報名傳送門☞https://timable.com/event/1908325



撳入去睇更多你意想唔到咁好玩嘅工作坊:
http://bit.ly/2E1EGpB

撰文:Ro
圖片:網絡,Tokyo National Museum,osaka-info,首都博物館