捉緊春天的尾巴,想趁好天氣出外呼吸新鮮空氣,兼曬吓太陽。呢條青衣自然徑就啱哂啦!沿路行都係多樹蔭,而且大部份路都已經鋪好,同埋有扶手,唔會太難行。整條自然徑都有幾個觀景亭供休息,可以停低影相打卡。另外,青欣山可以遠眺青馬大橋,如果遇上黃昏時間,仲可以欣賞埋日落先走!

注意:本港疫情仍未受控,各位外出時請注意個人衞生,郊遊時請保持環境清潔。


圖片:[email protected]

青衣自然徑有1號至5號觀景亭,建議大家出發前先睇入口嘅地圖,再計劃點行。因為並唔係每個亭都有開揚風景欣賞,例如3號觀景亭,周圍環境都係樹,風景比較遜色啦!所以計劃好,就唔洗行額外嘅路。


圖片:Little Red [email protected]_HK

如果想影哂青馬大橋靚景,就要從2號觀景亭附近嘅一條小路往下行,見到有樓梯繼續向下行,直到見到青馬大橋。但要注意,呢條小路難度較高,冇人工化嘅鋪路同扶手。大家記得量力而為,唔好為咗打卡而走險。


圖片:Little Red [email protected]山楂Zandra

最後,請唔好隨便扔垃圾,自己垃圾自己帶走。一齊愛護郊外環境!


圖片:[email protected]_wing_chiu

如何前往:
青衣港鐵站A1出口,乘搭248M巴士往長宏方向,總站長宏邨(或長宏邨巴士總站)下車。或於其他地方乘搭42M/43A/42A/42C/242X亦可到達長宏邨巴士總站。

下車後,沿寮肚路走至車道盡頭,就會見到青衣自然徑入口。

全長:
約4公里

文:Zoe