週末又到啦,諗好同另一半去邊玩未呢?小T覺得拍拖唔洗安排密麻麻活動嘅,去一個地點行下,再搵間同區Cafe坐吓食吓嘢就心滿意足啦。

灣仔峽公園位於灣仔峽道,公園入面有間童話小屋,小屋上面寫住泰文,屋外被植物包圍,有《借東西的小矮人亞莉亞蒂》嘅感覺。大家係咪好奇怪,到底呢間係咩屋呢?其實佢只係一個「佈景板」,並非一間完整嘅屋。不過呃吓like影相都幾靚嘅!

留意返,灣仔峽公園打卡位置唔多,但沿途行上去可以當係一個短途郊遊路線。步行路徑多斜路,大家要視乎返體力啦!行到寶雲道同灣仔峽道交界會有公廁同休息位置。最後,行到去荷蘭徑,就好接近今次介紹嘅地點啦!入口位會見到灣仔峽公園牌。



圖片來源:[email protected]_byee


圖片來源:[email protected]_glv

前往灣仔峽公園方法
步行:灣仔港鐵站A3出口,步行大約40-50分鐘到灣仔峽道遊樂場。

交通:廈門街坐15號巴士前往山頂道,下車步行兩分鐘到達

灣仔有好多小店Cafe,打完卡不如靜靜地坐低,睇吓靚相啦!呢間位於汕頭街嘅Mansons Lot咖啡店,門面以木為主,有種日式小店嘅感覺。


不過Cafe嚟講,最重要都係有好咖啡。除咗有咖啡提供外,小店仲有All Day Breakfast、意粉同漢堡包,仲有甜品等等。咁多選擇,無論幾點去都一定滿足到你!不過假日人多,有機會等候時間較長。


Mansons Lot

地址
灣仔汕頭街15號地下

營業時間
星期一至日
08:00 - 18:00

圖:Mansons Lot FB專頁