香港地有唔少café,但因應香港人熱愛打卡嘅習慣,唔少café都會係裝修上下苦功。唔知你又最愛邊一重Style嘅Café呢?其實木系簡約風加上適當嘅採光,都已經有種溫暖舒服嘅感覺!小T今次推介3間木系café,一於約姐妹一齊歎下喇!



Book B Kitchen Mealmeal

位於南豐紗廠嘅Book B Kitchen Mealmeal,由本地獨立出版書店創立,集咖啡店及書店於一身。外型設計似一間白色溫室。整體氣氛舒適寧靜;Menu選項以日式餐點為主,亦有提供輕食等選擇!適合看完展覽行到攰嘅時候靜靜地飲杯茶飲!

地址:荃灣白田壩街45號南豐紗廠六廠1樓111號舖




屋子生活

《屋子生活》是位於大圍《屋子咖啡》的延續,採用落地玻璃窗引光入店內,店內的椅子及桌子都用了木製家具,更有和式座位,而且超高樓底,空間感十足。食物方面以日式料理為主,小T推介三文魚茶泡飯,十分足料,而且是別家餐廳找不到嘅味道!

地址:馬鞍山烏溪沙路8號迎海薈地下4A舖



素年

素年是深水埗一間素食Café,主打清新Fusion素食,設計走日式清新簡約風。店主
希望滿足不同素食者要求而開設此店。餐單包括了日式、西式、泰式等不同風格素食,Menu更會清楚列明菜式屬蛋奶素、五辛或是純素,希望提供更多素食選擇。

地址:深水埗福華街 191-199 號福隆大廈1號地舖