面對香港目前嘅困境(社運+肺炎+移民),大家好可能日日都好唔開心咁... 咁可以點? 袋住以下心靈貼士,希望唔多唔少可以幫到大家!

1/ 係呀!個世界Fxxk Up咗㗎喇!
唔得嘅咩?個世界一定要美好嘅咩?你以前開開心心去旅行食放題時,非洲咪又係秒秒鐘有人餓死,有美好過咩?只係而家終於都到我哋一齊受,fxxk up咗就係fxxk up咗!好出奇呀?知否世事常變,變幻原是永恒,老土but啱悲但真喎!

2/ 然後呢?承認有啲嘢係冇得返轉頭嘅!
肯承認係好緊要嘅!好似柏豪BB打爛咗杯咁,就算柒步成完詩都好,隻杯欄咗就係爛咗,點黐都黐唔返原本咁嘅,Admit it! 大家生活方式要改變,唔好成話「以前乜乜乜,嗰時點點點~」你唔接受都唔會變返以前,只係呃自己,所以都係接受現實啦!

3/ 跟住呢?改變咗都幾好喎!
腦細話齋,防禦性悲觀性樂觀,悲觀過後,總有嘢係好嘅!例如冇得去旅行,又慳咗$,又可以行下山,又可以周圍深度遊下香港,不知幾好;唔好一味悲觀,試下向好嘅方面諗,一定會有好嘢嘅!唔係阿Q,但半杯水總有2個睇法;而且,有時被迫試下新嘢都係好事嚟~

4/ 轉得快,好世界
當人哋仲唉唉聲緬懷過去時,你已經對住新方向係咁衝,人哋後知後覺轉身幾快都追你唔到啦;個世界會變成點真係冇人知,從前好好嘅職業(如旅遊業)可以一夜間冇晒;前路冇人知,唯有要跟得快轉得快,唔好害怕改變,要擁抱改變,要為自己每日嘅改變而開心!那管是飲杯未飲過嘅新嘢咁簡單!

5/ 珍惜更多同家人相處嘅時間
以前香港人好忙,主要係忙旅行,2個月一小飛,半年一大飛,飛完洗晒錢又忙搵返$再飛過,忙忙忙其實自私,你飛咁多次有幾多次係陪你2老飛嘅?就算唔飛,喺香港Weekend你又有幾多時間陪家人先?而家咪好囉,多啲時間對住,雖則可能多咗磨擦,畢竟屋企人先係最重要,愛佢哋多啲啦!

6/ 旅行?咩嚟㗎?食得㗎?
冇㗎喇,唔單止大家冇得去旅行,我好懷疑電視台嘅旅遊節目都已經冇晒新貨~好彩旅遊節目播完又播都OK,就算Out咗都唔緊要,反正你都冇得飛去fact check~香港人,都飛咗咁多年啦,咪當畀自己儲下energy儲下$,去日本仲多過喺香港行山實在係無謂,你估人人都係杜如風咩~

7/ 搵啲新興趣醉心研究下
香港人出名咩都3分鐘熱度,原因都係太幸福同埋太多資訊(Timable)而時間又有限;而家多咗時間又唔可以去太多地方,應該搵啲新興趣慢慢研究下,唔係3分鐘打卡,係要玩耐啲玩深啲,做手作又好,煮嘢食整蛋糕又好,好似日本仔咁鑽研一樣嘢,你會發覺比打卡主義更有樂趣更有內涵~

8/ 家居收納斷捨離,執屋吧!
以前成日賴冇時間,而家大把啦,冇藉口喇掛!屋企買買埋埋咁多唔等駛嘅嘢,係時候清清佢啦,執返啲位出嚟擺防疫物資都好吖;執吓屋,Re-arrange吓,整整齊齊少咗雜物,個人都開心啲!但要記住,多咗位唔代表你可以亂買返啲垃圾返嚟喎!環保啲慳錢啲啦!世界唔同咗㗎喇!

9/ 唔好浪費時間!好好增值自己!
在家時間多的是,唔好打咁多機啦,除非你打到去電競Level,否則都係浪費時間嘅啫;睇大台劇都係浪費時間㗎!最低限度都睇Netflix聽下英文吖,睇燒腦劇又可以防止老人痴呆;睇Youtube都好多嘢學㗎,咁最好梗係拎本書上手睇啦,冇萬里路行,咁當然係讀萬卷書好啦~

10/ 抬頭吧!黑暗過會是晨曦,懷著樂觀總有轉機!
乜都假!到最後都係要有希望有正能量!事情總會有過去嘅一日,憑住香港人嘅堅毅、團結同創意,我相信大家好快會有返相對正常嘅生活;冇人可以保證啲咩,但終日苦口苦面亦唔見得可以解決問題!懷住希望,大家一步一步捱落去,總有一日,除罩相見!
 
外送賴dd963
2 Feb 5:41pm
+LINE:dd963台灣地區:新北.台北.林口.龜山.新竹.台中.高雄.台南.彰化.南投
看照網址:https://s56dsw.wixsite.com/mysite