全新西班牙蛋糕品牌La Viña早於8月進駐香港中環區,店鋪提供少量坐位,主要以網上商店為經營模式,希望客人可以喺一個完善方便嘅下單網頁同極具效率嘅即日速遞服務,同港人共度肆虐多時嘅嚴峻疫情,安坐家中都可以品嚐到新鮮烘焙嘅西班牙La Viña蛋糕,同埋其他人氣蛋糕!


La Viña嘅巴斯克芝士蛋糕,係以來自西班牙San Sebastian嘅著名Basque Burnt Cheesecake食譜為藍本。為咗食到佢最新鮮嘅味道,小T收到就即刻試食咗原味同伯爵茶味,原味一打開就散發陣陣焦糖味,口感軟滑,中間流心位置綿密細膩,入口即溶。蛋糕食落有超濃郁嘅芝士奶香,芝士蛋糕Fans絕對要試啊!而伯爵茶味道清新,有淡淡茶香,甜而不膩,好適合配返杯熱茶慢慢嘆,鍾意伯爵茶嘅朋友都唔好錯過啊!


Basque Burnt Cheesecake


La Viña嘅Basque Burnt Cheesecake除了現有嘅「Original」款式,還特別創造出「Very Soft Centre」、「Earl Grey Infused」味道,而「Earl Grey Infused」係佢哋首個研發嘅新口味,伯爵茶茶味香濃,蛋糕入口順滑,「芝」味滿瀉。



除了主打Basque Burnt Cheesecake外,La Viña仲有多款其他蛋糕項目,「Signature Loaf Cake」、「Danish & Pastries」及「Sourdough Bread」,款式詳情如下。

Signature Loaf Cake


La Viña貼心設計,研發咗與別不同嘅下午茶甜點Signature Loaf Cake嚟照顧唔同人嘅口味需求,「Classic Lemon & Poppyseed」係經典之選,清新檸檬香味撲鼻;「Earl Grey & Floral Rose」伯爵茶及玫瑰花花香口味,搭配新鮮莓果,提升味道層次感;作為抹茶Fans嘅你,就不能錯過「Matcha & Azuki」,濃郁抹茶同紅豆融合,長青驚喜不斷。小T今次試食咗伯爵茶及玫瑰花花香口味,蛋糕甜度適中,外圍有一層糖霜包住,外脆內軟,就算夾埋一齊食都唔會太甜!蛋糕質感濕潤,入口軟韌,有香濃嘅伯爵茶味,如果大家唔鍾意太甜嘅蛋糕,都可以試吓呢個清新之選!

Danish & Pastries


丹麥酥亦係La Viña招牌嘅糕點,「Seasonal Fruit Danish」外層薄脆,漸層嘅牛油皮配上時令新鮮水果,除咗牛油味濃郁同口感層次豐富之外,健康水果可清新一下味蕾,不油不膩。

而製做丹麥酥嘅秘訣,師傅嘅經驗係取決之道 - 控制麵團伸展度同溫度, 麵團同牛油嘅軟硬度同摺疊嘅技巧等, 必須掌控得好先做出富層次而美味嘅丹麥酥。La Viña嘅丹麥酥由曾經喺香港尖沙咀凱悅酒店同香港仔遊艇會嘅麵包總廚擔任師傅,出品品質係信心保證。

Sourdough Bread


La Viña嘅Sourdough Bread係以天然酵母製造,冇添加任何化學發酵劑,每天新鮮出爐,麵包口感外脆內軟,軟韌濕潤且有嚼口,含豐富嘅小麥香味同獨特酸味,係一醒胃之選。

Sourdough Bread 除咗好味之外,仲係健康麵包之選,佢自然發酵產生嘅酸性過程可以幫助分解麵筋,可以俾人體較易消化同吸收。

網上商店及門市自取

主力以網上商店為經營理念嘅La Viña, 已經喺8月上旬進駐香港中環區,特別設有門市自取專區。

La Viña提供即日下單及速遞服務,並在接受訂單後開始烘焙,其後將蛋糕送上客人指定地址,整個過程只需約2-4小時內完成,新鮮品質、口感及味道得以保證。如需訂購寫上祝福語的生日蛋糕,同樣提供即日服務。

La Viña現時以港島區為主要送貨地區,購物滿 $600或以上即豁免運費,稍後會陸續發展其他地區速遞服務,敬請期待。

La Viña 訂購網頁:https://lavina.oddle.me/en_HK/
La Viña 門市自取:中環嘉咸街23號3號舖


開幕誌慶禮遇


開幕誌慶,及為慶祝La Viña 正式登場,由明天2020年8月25日起至2020年9月24日,凡首次於網店選購$388的6 吋「Birthday cheesecake "La Viña" Original 6" 」,輸入優惠碼「CAKE30」,即可享7折優惠,蛋糕(附祝福語句)每天即訂即有,每日優惠名額10位,先到先得,速遞及門市自取適用。

La Viña
地址:中環嘉咸街23號3號舖
營業時間:星期一至日
早上10時-晚上6時