最近疫情放緩咗唔少,有好多人籍住呢個機會,打算搵啲少人嘅地方唞吓氣,呼吸下無口罩嘅新鮮空氣。但又發現行山好多人,就連沙灘都係人山人海?如果你正正係苦惱梗可以去邊嘅話,咁小T今次推介嘅cafe就一定啱哂你喇!疫情反覆,請時刻保持個人衞生!好好保護自己,就算去離島都唔好隨便除口罩啊。

呢次推介俾大家嘅就係梅窩純白色Cafe - Pause Cafe。




大家可以喺中環碼頭出發,但今日小T有另一個方法推介給大家,就係喺東涌站搭3M巴士,搭到梅窩街市就可以落車,再行兩分鐘就會見到一座純白建築,個到就係我地今日嘅目的地 - Pause Cafe啦!


店內嘅裝修係以清一色白色為主色調,同時喺周邊有唔同顏色嘅竹籃作為吊飾,同時襯以鮮花及綠色植物,清新的感覺令人覺得氣氛十分之悠閒。每個座位之間比起香港其他地方嘅cafe更加有空間感,並唔會坐到好有壓迫感。



而個日我點嘅嘢食份量都好足,兩個人食完都唔會話好餓,嘢食味道配合到啱啱好,令人回味無窮。
同時聽講佢地嘅牛角包係比較熱賣,想試嘅朋友可以早啲嚟食喔~



而同時客人並唔係太多,好啱帶埋本書入去,休閒地渡過一個晏就。




地址:
梅窩涌口街21號

營業時間:
星期一 休息
星期二至四 8:00 - 17:00
星期五至日 8:00 - 21:00

攝影:German