想同大家講聲:呢一年,辛苦哂啦!趁住聖誕節,買份禮物送俾自己或者身邊人都唔係好過份啫。睇吓小T推介啦,有唔同種類嘅產品㗎。


香港人日曆2021


無人知2021年會唔會變好,但我知道有啲嘢係唔可以忘記。呢三款日曆都係小T力推款,自己自購都買咗兩款。香港人日曆2021就記錄咗365句金句,分別含蓋政界、商界、娛樂圈以至經典電影,總之係香港人就睇得明!

售價: $268
傳送門: https://bit.ly/3p2NwYx

《信晰》《莫忘》2021年座枱月曆

而《信晰》《莫忘》2021年座枱月曆,有一半係明信片,一物兩用好實用。就算買哂三個都唔過份呀,一個擺屋企,一個擺公司,仲有一個可以送比朋友~

售價: $128
傳送門: https://bit.ly/3mptlCj

之後就想同大家講吓香港設計品牌—thecoopidea,佢哋有唔同款式嘅耳機,大部份產品都唔過一千蚊。品質方面,大部份耳機都係兼容 iPhone 及 Android 手機、防水防汗、高續航力同自動配對連線等等。所以好推介買嚟做聖誕禮物呀~一齊睇吓有咩款。

BEANS AIR 真無線藍牙入耳式耳機


呢款耳機賣點係「輕」,單邊耳機只有3.6g,連埋個盒都係35g。而且體積細小,有三款甜美顏色選擇,好啱送俾女仔呀!唔好睇佢細細個,佢一樣做到高清音質同有質感嘅重低音音效,備用時間達100小時。以呢個價錢嚟講,小T覺得係送禮首選呀!

售價: $399

BEANS PRO 2 主動降噪真無線藍牙入耳式耳機


如果追求更高階嘅聲音享受,大家都可以睇吓呢款。佢嘅特點係主動降噪功,有效減低低頻噪音。同時亦設有環境音功能,等你喺有需要情況下聆聽外界聲音。仲有快速充電功能,一小時內完全充滿充電盒,啱哂鍾意音樂嘅朋友。外型方面,設有三種顏色,走簡約路線,正正方方嘅耳機盒連皮繩,方便扣喺手中,咁就唔會失手跌落地啦。

售價: $849

CARGO 02 真無線藍牙入耳式耳機


擺脫簡約純色設計,用上高質感鋅合金製造外殼,加上噴漆文字,配合埋D 環吊帶,帶出濃厚軍事感,一共有三色可以選擇。雖然設計走軍事風格,但充電盒總重量先 110 克,相當輕巧。而我更欣賞佢使用高速藍牙 5.1 技術,提供超快速嘅連接速度同較低嘅電池消耗量。因為疫情問題,好多人都需要用耳機在家工作,電池消耗量絕對係用家關心嘅問題。除咗有型格外表,亦不失內涵。

售價: $549

Carnaby fair 香港霓虹燈系列Cap帽


Carnaby fair其實有好多款式都好靚,好出色。特別推介呢款香港霓虹燈牌,霓虹燈係好多人對香港嘅印象,遠睇好繁華,近睇霓虹燈下面嘅港人,全部都好努力生活。霓虹燈牌不單止係香港嘅文化,亦係代表一種精神。

售價: $268
傳送門: https://bit.ly/3muyfOv

jibun techo


新一年,總有好多期望。寫手帳或日記係一個好好記錄生活嘅方法,同時亦係一個療癒過程。日常生活太繁忙,工作吞噬咗我哋大部份時間。jibun techo將一日24小時化作一格格,每一小格代表半小時,用呢種模式/格式去記錄生活,你就會更體會到珍惜時間嘅重要性。每日花小小時間回顧過去嘅24小時,再填滿jibun techo,我相信你都會變得更好,更有規律。


jibun techo一共有三款,包括biz、lite mini及standard,每款都有唔同顏色選擇。而小T現正使用standard版本,會多兩本記錄Life同idea嘅簿,Life設計版面主要係寫低家庭同整個人生有關嘅資訊,我認為係一本私人又珍貴嘅記錄。而當你有任何新想法,就可以用本idea去記錄低,我自己都幾鍾意呢個三合一設計,如果你都想睇我嘅手帳分享,可以follow Timable IG平台,我會不定期咁同大家分享㗎!


售價: 約$318 (視乎不同版本)

Gordon's Pink Gin


聖誕節點都會飲返兩杯慶祝吓!Gordon’s Gin係現時全球最暢銷的倫敦氈酒之一。而Gordon’s Premium Pink Gin都終於嚟到香港啦,粉紅色樽身嘅設計加莓果香氣,相信會吸引到女孩子嘅注目~佢由天然鮮莓釀製而成,紅樹莓、草莓同小紅果嘅天然甜味平衡咗Gordon’s Gin嘅杜松子甘香清爽口味。

小T推介用Gordon’s Pink Gin混合FEVER-TREE Sicilian Lemonade,再加入可食用玫瑰,草莓同紅樹莓,檸檬與莓果口感好清新!雖然疫情影響,冇得出街玩。但依家喺各大超市分店都買到Gordon's Pink Gin,咁就可以自家製,過一個粉紅甜蜜嘅聖誕啦~

售價: $208

撰文:Zoe