這是改裝前的大澳警署

細個o個時,同屋企人去大澳玩,o係碼頭一上岸,就會見到山上有幢白色建築,阿媽都知o個幢係差館,仲笑說聽聞那差館只有2個警察在駐守,當時我對此深信不疑。

廿年後的今日,想不到,我竟可以踏足此地!

1902年建成的建築物,當時大家還未出世,現在是二級歷史建築物,飽歷風風雨雨,滿載人間有情,如今化身成供遊人感受大澳風情及殖民色彩交融的一所精品文物酒店,新張期間更開放予公眾參觀,Timable特派專員黑莓當然第一時間去參觀一番,並把如此難得的事件跟大家分享!

首先,到大澳,已經不再是以往那個碼頭. 新碼頭在巴士站那邊. 而且,再沒有中環開的船,只有屯門開,經東涌的船. 要來,一是搭屯門船(要注意船期喔!),一是搭東涌開的11號大嶼山巴士(都幾多人搭). 到了大澳之後,由巴士站行到舊碼頭,中間經過大澳Landmark,唔係大澳置地,係那道橋! 約15~20分鐘的路程,有賣海味蝦膏手信的,有賣小食的,還有很多的豆腐花鋪! 走著走著,開始遠離"鬧市"的"煩囂",走在海旁上,遠眺舊碼頭,這麼遠,那麼近...

還未行到酒店,率先看見的是依山而建的電梯,是打斜行的Lift,不是扶手電梯,都幾有型的!

再前行,就是正門了,幾grand的招牌,一道長長的上坡段,轉個彎,就上到酒店了!


Reception是以往的報案室,保留了2個"臭格",就是那時暫時拘留疑犯的地方! 曾被鎖過在臭格的人再踏足此地,可曾想過那些年他在住酒店!


整間酒店只有9間房! 係,得9間! 大致分為普通客房及套房(有廳有房的),主要是按以往的建築間格改建而成. 由於是二級文物,所有改動及裝修都按照國際保護文物的標準,唔會破壞到文物! 而導賞員細心落力的講解,介紹了一道門一扇窗的一點一滴.


參觀了幾間客房,各有特色之餘又互相調和(係咪好玄?). 每間房都有名,亦有在門外介紹那間房以往的用途. 房內設計河蟹,設施齊備,教筆者最窩心的,是每間房都有的Nespresso咖啡機,過往住親酒店都係得d 乜乜3合1 咖啡,o係呢度可以飲到capsule 咖啡,可以扮陳豪一番!


眾多房之中,有一間是筍盤中之筍盤,2邊大窗,望正西面日落海景(當然你可以話係西斜),無敵海景又有樹木相襯,跟你最愛的那誰睇住日落,嘆住咖啡,一生何求~ 而更重點的是,這間房唔係總統套房,由於保留原本建築的關係,這間只是普通客房,唔係貴1個grade的套房,所以你話,呢間房係咪筍中之筍? 間房叫咩名? 唔會講你知囉! 等我book到嘆返晚先會講你知囉,費事你同我爭住book!


酒店除了住,食當然是另外重要的一環,上了樓上,一間好靚的玻璃屋.入到去,陽光和絢,環境舒適,還有些大澳藝術家的作品,大部份古舊的家俬是朱玲玲所贈. 食材會盡量採取local sourcing,價錢大眾化. 筆者參觀當天沒幫襯,但我肯定加肯定會來食返餐好的!


不是國際品牌,沒有豪華健身室泳池; 有的是歷史痕跡,新舊交融,殖民色彩,本土文化,人情味,親和力. 如果,酒店能選擇,我會選這間,週末住返日,行下大澳,行下,嘆杯啡,買下複膏,就是入大澳旅行的意義!


酒店3月初開始接受預訂了! 你可以襯現在開放日,先來看看,再作預訂,遲些條龍一定會好長! 酒店公關告訴黑莓,其實開放日之後,酒店仍設有公眾導賞團,當然場次及人數會較少,而餐廳亦會對外開放! 溫馨提示: 開放日參觀前請先網上登記,以確保參觀名額,亦設有Walk-in名額,不過如果長途拔涉來到,爆了,就掃興了!
網上登記: http://www.taioheritagehotel.com/tch/publicvisit/publicvisit.jsp (請預早數天登記)

後記 (抽水):
筆者參觀前幾日,尊貴的曾特首前來出席開幕典禮. 你估,佢係搭車黎,定係搭船黎?
如果係搭船,你估係咩船丫拿?! 富豪遊艇乎?!

夕陽醉了 落霞醉了
任誰都掩飾不了
因我的心 因我的心 早醉掉


撰稿/攝影: 黑莓
神秘嘉賓: 黑莓媽媽
鳴謝酒店公關招待