呢幾年,香港o既新商場如雨後春筍,當中以尖咀最百花盛放: TheONE, K11, iSquare等,甚至遠至新蒲崗o既Mikiki同將軍澳o既Popcorn都各具特色! 唯獨傳統Shopping旺區銅鑼灣,好似靜左少少喎~

等了又等,終於有新場了! 前興利中心(即銅鑼灣三越百貨),等候多年,終變身全新地標「希慎廣場 Hysan Place」! 有咩野玩? Timable 直擊今日o既新聞發佈會,帶大家先睹為快!


樓高17層的全新商場,匯聚潮服,美容,生活,文化同美食於一身,國際品牌包括GAP, Hollister, REDValentino,同埋首次進軍香港o既New York服飾品牌Nanette Lepore!

除左國際品牌,仲有女士專層「Garden of Eden」,由室內設計到貨品種類,都係為女士們貼心訂造,營造「伊甸園」的感覺,咁就連濕平都濕得有靈氣過人啦! 呢層連男士洗手間都冇,只有女士的~ 好彩呢排平機會主席林生忙到爆o者~ 否則? 哈哈!

行到支力支力地,餓餓地,搵野食先! Food Court? 係咪即係要落地庫層? 錯了! Hysan Place 的Food Court在11/F! 食都食得高過人! 12-14/F仲有其他特色國際美食添~ 死啦,10幾樓咁高,拎左張飛,行行下唔覺唔覺又過左Number,冇得食啦! 非也! Hysan Place引入左最先進o既高科技中央等位嗌飛系統,o係商場每個角落都會見到你等緊o既餐廳嗌到幾多號~ 咁就唔怕冇好野食,可以放心濕平啦!

嫌Fashion/美容/美食度度都有? 唔夠特別? BUPA! (不怕!) Hysan Place絕對唔會令你失望! 傳聞左好耐o既誠品香港店終於證實落戶Hysan Place,仲要係全世界第一間台灣以外o既誠品書店!!! 有3層之多,足足超過4萬呎!!! 以後唔駛去台灣都有得行誠品,實在是一個超級大的亮點呀!!!

女士專層,加埋文化書店,男士都仲唔o岩心水??!! Um...唔怕! 傳聞,只係傳聞,香港第2間Apple Store生果鋪將會落戶Hysan Place!!! 發佈會期間,高層們對此三緘其口,不過睇Presentation幅圖,個外牆又真係幾似IFC間Apple Store喎! 希望願望成真啦!

希慎廣場 Hysan Place將會於2012年8月10日星期五正式開幕! 誠品會唔會同日開張,就要等官方進一步公佈喇! 而o個間生果鋪呢? 希望都會一齊開啦!!!

去銅鑼灣行街街,將會有一番新景象!
記得留意官方同Timable的新消息喇~


CEO劉先生

啟超道Conical Wall,一脈相連Lee Gardens


Timable採訪: 黑莓 (10/07/2012)