聖誕將至,又係要做好筆記,mark低和另一半去邊拍拖既時候。唔知去邊好?今年就等Timable幫幫你啦! 今年沙田新城市廣場1期7樓空中花園將會有上一年好評如潮嘅聖誕燈飾匯演,主題是Starlight Romance聖誕星緣,除了以全球獨有高科技燈效與逾10萬顆LED燈泡結合外,更加入多項破格創新元素,由曾負責2010年上海世博會會場設計及製作日本東京六本木Tokyo Midtown聖誕燈飾匯演的殿堂級團隊精心設計,就算上年已經看過,都一定會覺得驚喜!


好多人都話上年拎唔到飛入唔到場睇,今年雖然時間縮短左,但係簡化入場方法,仲要係免費入場,係咪即刻有去嘅動力先! 而且睇完之後亦設有影相時間,身後嘅LED唔會閃下閃下乖乖地著哂燈同你影相,想影返張靚相就要把握機會霸定靚位喇!


覺唔覺得平日睇燈飾好多時都係得個睇字,最多就影下靚相放上facebook等朋友(呃幾個)like,今次仲有互動燈飾可以玩!當你同男朋友/女朋友手拖手走入去「光影舞動星河」入面,一人捉住一盞燈,四周圍就會出現會漣漪,非常浪漫。如果係同朋友入去玩既話,郁下D燈就會好似有流星出現咁,只要捐20蚊就可以摘星, 抵!


就算未去過新城市廣場個空中花園都唔驚,只要係手機下載Starlight Romance聖誕星緣呢個App, 就會教你點樣行去7樓戶外星光花園同埋場內咁多個聖誕佈置,真係方便到呢!App裡面仲有個神奇功能,當你去到任何一個聖誕佈置前面用呢個App影相,你就會化身成一個仙子,仲可以用仙子look同你既朋友影相添!


之前Timable都有提到新城市舉行緊微電影劇本招募,請來廣告界名人兼香港理工大學設計學院助理教授曾錦程(KC Tsang)、香港著名編劇兼導演鄒凱光,以及拍過網上大熱布甸廣告嘅「也文也武」YAMANYAMO擔任是次活動評判,勝出者有機會與「也文也武」YAMANYAMO的團隊合作,實現你嘅編劇導演夢!

等唔切?由11月3日起就有得睇喇!快D趁早感受聖誕氣氛啦!!


沙田新城市廣場 聖誕星緣在Timable上的事件:
http://www.timable.com/event.php?eid=71386

微電影劇本招募活動在Timable上的事件:
http://www.timable.com/event.php?eid=71311