Ticketing
1 Oct ‑ 31 Dec 2019 (everyday)

全企位: $721(套餐) / $380 / $280 | 學生免費
contributed by


阮民安 - Tommy Facebook (6/9/2019)

我要同大家宣佈:

沒有國泰,還有民安2.0演唱會,正式召集!!!呢個Show 今次會有埋英文名,The Title is “NO CX, STILL HAVE TOMMY BOY 2.0 concert” Thank You!

呢個演唱會無任何大台(即係無主辦單位,因為大部分香港嘅演唱會主辦單位都係好藍嘅,道不同,不相為謀),所以今次呢個演唱會,我決定係免費招待全香港小、中、大學生!!!只要各學生可以出示有效學生證進行登記,當日就可以免費入場!

由6月9號到依家,呢個抗爭運動已經差不多成三個月,幾時會完,無人會知,因為一日未見到香港人要嘅結果,我哋一日都唔會停!呢三個月入面我哋一班手足、年輕人,為香港嘅未來犧性太多喇!

呢段時間,我收到好多唔同 inbox 同我分享佢哋嘅難題,有對香港絕望嘅,有想自殺嘅,有失戀嘅,有自身問題嘅,每一個我都好認真去聆聽佢哋嘅故事同埋盡力去開解佢哋,但每一次聽完之後我都會喺度諗...究竟我仲可以做啲咩去幫大家呢?

有人叫我參選區議員,但呢樣嘢責任太重大啦,我未有資格勝任!

呢個漫長嘅抗爭路上面,我覺得大家都需要有一個小出囗去減輕一下壓力,尤其係喺831我同大家喺銅鑼灣唱完歌之後,我感覺到大家好似搵到一刻嘅快樂(雖然喺唔夠十分鐘後港島又突然變天),咁我諗一個藝人喺香港有困境嘅時候就係需要發揮到令大家放鬆嘅功能,而大家對我有呢個訴求,所以我就直接衍生咗呢場演唱會出嚟,去回應大家嘅訴求。

因為呢個 show 有一個難以估計嘅問題就係
—究竟最後有幾多人登記嚟睇同買飛呢?

所以我同團隊決定先用十日(即由9月7日午夜12時開始至到9月17日午夜12時止)去接受大家嘅登記同購票,再會用七日去點算同埋統計同決定演出場地,然後會喺9月30日之前公佈演出場地,同日期。(萬一book唔到場,100%會即時退票)

日期方面,我地喺點算總人數會立即同場地協商,演唱會會定喺10月,11月,12月呢三個月入面嘅其中一個星期五,呢個安排係因為唔希望影響到香港人每個周末嘅抗爭日程,如果萬一大家咁支持呢個show而令到人數有需要開超過一場,嗰一場我地只會安排向前褪,即係如果星期五埸full咗,就會加一場喺星期四,如果都full就會加一場喺星期三,如此類推!

另外再一次同各手足講,今次呢個show 我哋一定要多人,俾所有香港人知道我哋就係自己都可以撐起一個屬於香港人嘅show!

到時見!!!


$721 打狗價 套餐包括
  • $380 門票 x 1
  • $380 門票 x 1 (呢一張係你幫手贊助一個學生入去睇嘅門票,無錯,雖然我係咪都會免費請全香港小,中,大學生睇騷,但都唔排除有有心人士希望請學生睇騷的。)
  • [還有民安] [極權對抗] tee x 1

所以最終你會收到 1 張門票同一件 tee (tee 將於演唱會現場派發)

Online Booking | pre-booking
7 Sep 12am - 18 Sep 12am

(ended)