時間2017年7月15日 ‑ 8月31日 (每日) 上午10時 ‑ 下午10時 (12小時)
地點香港淺水灣海灘道28號

費用免費
提供

夏日炎炎,最爽嘅梗係食雪糕啦!嚟緊由7月15日至8月31日,淺水灣the pulse商場將會喺沙灘旁邊舉行集食、玩、派於一身嘅 Endless Summer Ice-Cream Festival,每星期都有唔同主題嘅究極玩味雪糕;而喺7月15同16日全球雪糕日,the pulse更有一連兩日嘅Cool La La雪糕派對,等大家可以過涼透心嘅summer!

Cool La La雪糕派對​ Ice-cream Bar
要炮製究極玩味雪糕,就要靠雪糕店嘅幫手喇!the pulse聯同Make it、Ice-Cream Gallery、Ice’Licious 、DOLCI 2/3及媽咪雞蛋仔,加上主場餐廳Limewood、Amalifitana、 Chicken on the run 、ShoKu、The Coffee Academe,配合「估你唔到味」、「外貌呃Like協會」、「香港代表隊」3大主題,創作出超過30款嶄新口味,保證有新鮮感!同場仲有最啱口味吧,畀大家自選唔同口味嘅雪糕雪條,創作完全屬於你自己嘅味道,包保啱你心水!


話明雪糕派對,除咗有得食之外,當然仲有得玩啦!

土耳其雪糕表演
the pulse邀請咗台灣炙手可熱嘅土耳其雪糕i-doo,將土耳其雪糕表演首度帶嚟香港!溫馨提示,要食呢杯土耳其雪糕都唔係咁易,事關每個土耳其雪糕師都練得一身「耍人」好本領,想食免費雪糕就要眼明手快喇~

現場仲有大量影相打卡位,用嚟影相呃like就啱晒!


Fizzing Pool
瞓喺畀「雪糕」包圍嘅泳池入面,真係又sweet又涼爽!小T強烈推介鍾意粉色系嘅女生嚟,喺度影出嚟嘅相一定好夢幻!喺Fizzing Pool入口,仲有一個Melt Your Heart裝置,情侶們可以喺度影相,盡情放閃!


Chilling Zone
成個Chilling Zone都係用雪糕堆砌,睇見都Chill!影相用嚟做背景亦都係一個唔錯嘅選擇~


得寵站
帶埋寵物嚟參加更開心!作為一個Pet Friendly嘅商場,the pulse細心地安排咗適合主子食嘅雪糕,等主子都可以喺炎炎夏日降溫。「得寵站」更有兩大雪糕主題場景,等奴才為一眾主子拍攝搞鬼造型照。


同場更有多個手作攤擋,一系列以雪糕為主題的特色單品又有工作坊教你做雪糕飾物、家品。文青必行呀!


仲夏夢放映館
每隔周末就會播放以夢想為主題嘅電影,頭30位進場觀眾更可免費獲得一杯象徵夢與想的獨角獸「夢想味」雪糕。喺淺水灣旁邊,一面食雪糕睇電影,一面欣賞迷人景色,真係夠晒寫意呀~

溫馨提示,逢星期六、日會有免費穿梭巴士接載大家往返海洋公園港鐵站及the pulse,由金鐘到淺水灣只需要15分鐘!咁大家去玩就更加方便啦~


回頁頂

相關事件

(檢視全部)

7-11便利店「期間限定Häagen-Dazs 日式牛奶焙茶雪糕 + 鹽味牛油餅乾雪糕」

要開展新一年,一於嚟個不一樣嘅high tea先~ 試試由日本直送嘅兩款新品,為午後添上一份和...

7-11便利店「期間限定Häagen-Dazs 日式牛奶焙茶雪糕 + 鹽味牛油餅乾雪糕」
飲食 @ 香港全線7-11
1月3日-31日

XTC Gelato 「 秋冬限定口味手工意式雪糕」

隨著濃濃的秋意更新,這個季節 XTC GELATO 將會推出10款期間限定口味,有多款適合秋冬的雪糕...

XTC Gelato 「 秋冬限定口味手工意式雪糕」
飲食 @ XTC GELATO 全線分店
2017年11月1日-2018年2月28日 上午10時 (12小時)

Häagen-Dazs「全新聖誕限定精美甜品及堂食雪糕紙火鍋」

聖誕節是普天同慶的日子,與親友同度佳節,當然少不了甜品環節!Häagen-Dazs™繼早前推出Extr...

Häagen-Dazs「全新聖誕限定精美甜品及堂食雪糕紙火鍋」
飲食 @ 香港全線Häagen-Dazs
2017年12月13日-2018年4月30日 上午10時 (12小時)
關於    歷史    聯絡    iOS, Android    條款    活動籌辦    伙伴    版權所有 © Timable Limited 保留一切權利