分享

2017年10月9日 ‑ 31日 (每日) 上午11時30分 ‑ 半夜 (12小時 30分鐘)

收費
提供


10月份嘅重頭戲 - 萬聖節快將來臨!!

聽聞炑八韓烤被一班惡靈入侵,店內環境變到陰森恐怖,員工亦變成嘩鬼,仲有枱上一碟碟血淋淋的食物,吸引一大堆餓鬼們陸續進駐。原來係炑八韓烤推出一系列萬聖節美食,賣相恐怖又有趣,更特別為MENU換上新造型,採用3D立體設計,搶眼程度簡直爆登,難怪餓鬼們都紛紛來朝拜!


驚嚇套餐:「血色小鮮肉」開餐啦喂
根據一班「老友記」可靠消息指,炑八推出呢個「血色小鮮肉」套餐 ($618) 內包含厚切上等鹽烤牛舌,肉質鮮甜,口感豐富,難怪成為餓鬼的搶手貨。而且套餐內仲有濃郁香醇的厚切豬五花肉、柔嫩細膩的豬梅花肉、香甜嫩滑的梨汁雞肉、彈牙爽甜的韓國大蝦等小鮮肉,份量十足,務求滿足到一班無肉不歡嘅餓鬼們。


另一主打食物─以鎖錬懸空油脂豐盈的萬聖節牛小排,又係打卡新力作。


重頭戲當然仲有詭異南瓜牛肋骨煲,看似簡單的原個新鮮南瓜,原來內裡滿佈香甜軟熟的南瓜蓉,香氣四溢。剪開南瓜後,仲內藏濃濃的牛肋骨,令人齒頰留香,絕對可以做隻飽鬼返屋企喇!


除左套餐外,單點有造型獨特的「骷髏芝士熔岩飯」,香噴噴嘅芝士熔岩飯鋪上搞鬼骷髏骨形狀雞蛋,令人食指大動。骷髏骨IMAGE尤其突出,簡直係吸睛又飽肚,肯必成為萬聖節呃LIKE KILLER!


當然不可缺少的特色飲品,杯內浮沉住一粒恐怖眼球作裝飾,非常恐怖又盞鬼。嘩鬼們快D約埋三五知己一齊開個GHOST PARTY啦!


韓式Pop Cake一直深得年青人歡迎,而炑八又為了率先俘虜餓鬼們的心,在九月底更專誠邀請韓式Cupcake導師由韓國來港。導師擁有多年的Pop Cake製作經驗,製作出一個個造型精緻可愛的Pop Cake。今次特意來港舉行唯一一場韓式花餅製作活動,導師會為大家即場示範韓式Pop Cake製作過程,藉此機會將高超的唧花技巧傳授給大家,炑八達人更可以率先參與製作班,實行先睹為快。韓式花藝蛋糕頂層立體花的造型優雅大方,口感鬆軟,內層夾著香濃朱古力,絕對是女士同嘩鬼們至愛呀!導師更會為炑八製作出以萬聖節作主題的Pop Cake,例如有南瓜、蜘蛛等古靈精怪的花餅,賣相吸引,味道甜而不膩,而且在10月9 – 31日期間惠顧炑八萬聖節套餐即可以免費獲得乙個萬聖節韓式花餅作WELCOME GIFT,齋聽到都已經心郁郁喇!