2017年11月12日 (星期日) 下午1時 ‑ 5時 (4小時)
香港新界上水馬會道17號
免費
提供


秋天嘅星期日做咩好?梗係嚟11月12日嘅「樂活草地 • 秋日音樂遊藝會」玩啦!今年繼續有出色嘅藝術表演,Beatboxing、Acapella、唱作樂隊、青年歌手、多元舞蹈、花式跳繩……數都數唔晒呀!才華洋溢嘅你都想喺草地上表演?無問題!樂活草地今年特意新增自由表演區,讓你可以一展所長,實現你嘅夢想。


小朋友都有大把嘢玩架,樂活草地嘅「兒童氣場」同埋今年新加入嘅「外郊滑旋」,包括咗一連串刺激好玩嘅充氣競技遊戲,等活潑好動嘅你嚟挑戰!咦?想發揮創作小宇宙嘅朋友唔使擔心,你地一樣可以參加「玻璃心坊」,一齊創造你專屬嘅玻璃手作。


放假想瞓喺軟綿綿嘅草地上?當然可以!我地仲會派發免費野餐蓆畀你,仲有免費嘅小食、飲品、紀念品……未完,你仲可以喺樂活草地買到香港嘅特色美食!點解?因為有3架美食車喺度囉!依個特別嘅秋日假期,又點可以唔影張相留念呢?樂活草地今年有新奇好玩嘅「時空冰格」,提供360度子彈時間動態攝影服務,讓你帶走喺草地上嘅美麗回憶,為愉快嘅星期日劃上圓滿嘅句號。

*活動嗰日中午12時至下午5時,有免費穿梭巴士喺粉嶺地鐵站C出口來回會場。
有興趣嘅朋友記得密切留意樂活草地嘅面書專頁啦,草地見!