2018年1月20日 ‑ 21日 (每日) 下午1時 ‑ 8時 (7小時)
屯門石排頭徑1號
免費
提供


踏入新一年,一月份 LOCOLOCO 市集將會首次嚟 到屯門,仲會帶埋一眾特色小店去到卓爾廣場!現場將會有特別搜羅嘅各式手作 及創意設計攤檔,如果想嚟欣賞下店主們嘅創意,就記得嚟睇下啦!

精選小店 手作創意
市集包羅不少攤檔及創意作品,例如「D&K esquina」的木工作品、「漲卜卜 Bubbles」的口金包等等,買嚟做禮物都幾好㗎!另外,客人仲可以搵到 「CohesionHK」的花藝作品及「BY Studio」的動物手繪作品,像真度極高!






精彩活動 邊食邊逛
市集除咗特色攤檔,星期六、日分別有限量免費爆谷或綿花糖派發,送完即止,到時記得早啲到!最後,市集更安排咗魔術表演俾大家免費欣賞,活動詳情請見 LOCOLOCO Facebook Page。咁多特色創意作品又咁多好玩活動等緊你,你又點可以錯過呢?