Update 27/10/2018: Eason喺eason and the duo band L.O.V.E. is L.I.V.E 音樂會話會試下入紙申請2019年紅館跨年呀!仲話希望如報紙所講謝霆鋒唔會同佢爭檔期添~咁是咪即係話Chef Nic都會開呢~
Eason早前喺「台灣金曲獎」慶功宴話自己嘅理想計劃係可以最快喺2019年年尾舉行大型巡迴演唱會!Eason對上次World Tour已經係6年嘅LIFE Tour喇,仲要尾站唔係返嚟香港開添呀!所以一眾臣迷堅係餓咗好耐喇已經!而照計Eason咁大個名,如果都係做返紅館嘅話,而子華神、劉華同學友都分別開完咗嘅話,好大理由拎到佢想拎嘅檔期嘅!所以大家應該可以乖乖等一年睇Eason新Tour,如果你買到飛嘅話... 又當然要睇睇個Tour嘅頭場是咪喺香港開跑啦!未必㗎... 阿臣剛剛續了環球份約,冇咗轉會嘅Uncertainty,靜咗一排嘅佢應該會強勢回歸喇!期待!
而Eason亦話有機會會喺開正式Tour前先舉行一啲細型嘅演唱會,用嚟練下歌開下聲同滿足下餓咗好耐嘅歌迷咁話喎~
- 以上演唱會日期尚未確定,只屬推測及估計,一切有待官方公佈
- 請勿誤信非官方售票渠道