2018年12月1日 ‑ 12日 (每日) 中午 ‑ 下午9時 (9小時)
觀塘巧明街99號巧明工廠大廈3樓AB座
免費
提供


【廢噏】
勁揪體嘅旅程,出發至今,四年了,大家還好嗎???回想一下,佢同大家一齊熱血沸騰過,同香港人一齊跌過喊過,同香港足球一齊嗌過,同長跑好手一齊跑過,同本土樂隊一齊 ROCK 過,同唔同品牌夾過,同各位一齊過過新年⋯⋯ 2016 年,大家幫佢做到一個紀錄 6000 粒正體字嘅創舉⋯⋯

兩年嘅製作時間已經過去,6000 字嘅勁揪體只差最後修正就可以正式面世,兩年以嚟,真的太感激各位嘅支持同信任,重有唔同嘅團體同朋友嘅幫助,勁揪體先可以堅持到今日,呢個唔係終站,而係一個新開始 XD ⋯

【勁揪體發佈會】
我哋會喺2018年11月30日搞一個發佈會,喺設計界無人不識嘅峰哥Fung Lan設計總部HOW舉辦,好好咁慶祝一下,希望各位曾經支持過勁揪體嘅朋友都可以過嚟見個面問個好。



【展覽內容】
現場會有一個可供真/偽文青打咭嘅幾百粒字嘅《原稿展區》,亦有一個睇得又玩得嘅互動投影《文字瀑布》;重有一個可以比大家瘋狂購物嘅《廢青包養區》(精品區),大家可以購買一系列嘅勁揪體產品包括貼得又玩得嘅海報,可以袋嘢又孭得嘅文字 TOTEBAG,出外旅遊必不可少嘅香港人 HONGKONGER 剌繡襟章,另外有得到 HK Brewcraft 大掌櫃 Warren Yu 加持製作嘅勁揪別注啤酒,我哋更加邀請到成衣界鉅子 TOPIX 嘅 Jack Lo 喺發佈會當晚過來同大家即時揀圖案整手刮 TEE;係咪好精彩呢 XD 11 月 30 日,觀塘見!





PS 所有產品 #會場限定 賣完都無下次有買趁手
#勁揪體 #勁揪體蚊型展