2019年2月8日 ‑ 3月31日 (每日)

免費
提供


【30個賀年食物回收點,梗有一間在左近】
踏入豬年嘅第二日,食德好再喺呢度祝大家新年身體健康,綠綠常滿,日日食德好!

相信大家屋企已經收咗唔少賀年禮盒,秉承一貫「減廢、低碳、互助」嘅理念,食德好都係建議大家先問後送,或者將賀年禮盒折現,免做大嘥鬼!

不過呢,如果萬一真係食唔晒或者收多咗都唔緊要嘅,今年食德好都會繼續有「新春賀年食物回收2019」,大家可以由2月8日初四開始,將有餘有剩嘅賀年食品送去各個回收點,透過食德好轉贈俾有需要人士,同佢哋分享祝福同溫暖。

新一年,我哋齊齊唔做大嘥鬼,做到人人惜食、代代好境。