3 Dec 2021 (Fri) 7 ‑ 9pm (2 hours)
佐敦彌敦道380號香港逸東酒店
free
contributed by


橙迷們,CJ首次搞活動!12月3日約定你!
報名參加表格:https://forms.gle/VVbrDTK4kWqd2jLg9
(報名從速,座位數量極有限,先到先得。)
大家認識CJ都應該係喺J2嘅《橙迷狂熱》或者喺無綫大台同麥明詩、馮盈盈一齊拍嘅《荷蘭好玩》度認識CJ呢個「荷蘭仔」。其實十年前CJ喺荷蘭電視台AT5已經主持超過60集嘅時事回憶節目Chang's Choice,節目大受歡迎,CJ亦係首位華人喺荷蘭主流電視台嘅節目主持。十年之後,CJ再次回歸 AT5拍攝佢一直想做嘅節目CHANG。
CHANG係講述CJ背後故事同中國文化嘅記錄片。CJ一直面對好多問題,例如歧視、家人之間嘅關係、飲食文化、中醫、精神健康問題同文化衝突等,籍著節目嘗試尋找答案同問題嘅根源。希望透過節目令荷蘭嘅華人產生共鳴,亦可以令當地嘅荷蘭人更深入瞭解中國文化。
CHANG啱啱喺荷蘭就播完,反應非常熱烈,收到好多荷蘭觀眾話好好睇嘅信息。所以CJ都想身在香港嘅橙迷可以睇到,因此CJ搞咗個放映及分享會。今次播放嘅一集係探討香港人嘅精神健康,CJ一直致力想大家關注精神健康問題,今次活動放映嘅重會係為橙迷特別剪輯嘅特別加長版!
CJ到時會同橙迷分享拍攝趣事,講吓CHANG呢個節目同Q&A環節。當然唔少得今次活動嘅主題,等CJ剖白佢親身嘅經歴,讓大家更關注抑鬱及精神健康。重會有專家教路,如果遇上精神健康問題應該要點處理。
今次活動主要為關注抑鬱及精神健康嘅慈善活動。所以入場費係隨心,收益將撥捐各關注心理健康及醫治團體。
《Let's talk about...》
演出日期:12月3日 (星期五)
活動時間:晚上7時至9時正
活動地點:佐敦逸東酒店1樓Kino影院
入場費:多多益善 少少無拘。
報名從速,座位數量極有限,先到先得。將以遞交完整資料表格為準。
YouTube video