時間2014年2月21日 (星期五)
地點

費用免費
提供


網絡世界咁大,除有一眾娛人娛己嘅YouTubers、bloggers、插畫家呢班網絡「明星」,亦有另1班有視野嘅I.T.人,透過製作網站賺錢之餘,重默默建立1套全新嘅價值觀,改變網民瀏覽習慣。 今期「Wero」嘅2位主角、活動資訊平台網站Timable創辦人Mike同Sam,2010年因「無聊」而揼咗Timable呢個消閒資訊網,2012年全身投入網站管理,2013年已經回本;網站每月平均瀏覽量由最初30萬人次去到2013年平均300萬人次,又搵到西九文化藝術區、Yahoo!等「大客」合作。咁成功,全因Mike同Sam願意全情投入,佢哋話除咗見到有商機,重希望改變香港人嘅諗法:搵地方hea?上Timable搵啦!

Timable簡介
香港消閒節目活動搜尋平台,提供音樂、展覽、話劇、節慶資訊,其後重加入旅遊、數、親子、時尚等範疇。亦有話劇、演唱會等票務買賣。

因冇節目創業 未做訪問前,由Timable易用嘅網頁設計以至豐富嘅內容,筆者以為佢哋公司好大規模,員工冇100都幾十。但當去到佢哋嘅辦公室,先知原來只係請咗1位員工,3個人喺1間約100呎嘅辦公室辦公!

兩位老闆——80後嘅Mike同Sam係中學同學,雖然大學時代分別入讀科技大學同香港大學,但同樣都係選修computer engineering,佢哋志趣相投,大家都鍾意飲咖啡,Mike話:「09年嗰陣我哋各自有份正職,不過閒時都會出嚟玩。有日我哋2個坐喺間coffee shop,諗嚟諗去都諗唔到去邊度玩,於是就諗:香港可能有好多活動或者藝術展覽發生緊,但因為冇渠道宣傳,於是就出現『有人冇活動去,有活動冇人去』嘅情況。」 於是,佢哋開始分工合作:Sam負責寫網站程式;Mike負責搵活動資訊。大家可能唔識讀網站名稱Timable,Sam就教大家:「佢係讀『Time麻部』,呢個字係我哋創,係有『time table(時間表)』嘅意思,亦係我哋設計網站嘅概念。喺香港,同一日唔同時分都有各項活動進行緊,我哋想用『時間』為主打搜尋方法,方便讀者依自己嘅時間搵活動。當然,我亦有活動類型嘅搜尋功能,方便喜好某種活動類型嘅讀者。」

對於普羅大眾嚟講,可能覺得搵活動資訊只要上網就得,原來絕對唔係。「邊個話?初時搵資訊真係搵到頭痛!」Mike話:「雖然話各大機構同組織都願意提供活動資訊,不過佢哋好多都冇網頁,我要成日出去文娛中心單張同打電話先到資料。」(Oscar)


回頁頂

相關事件

(檢視全部)

誠品銅鑼灣店「ReOpen限定優惠」

誠品在2012年進駐香港,轉眼間即將在8月踏入5周年,誠品銅鑼灣店亦開始5年來首次大改裝,改...

誠品銅鑼灣店「ReOpen限定優惠」
著數 @ 誠品銅鑼灣店 (希慎廣場 8-10/F)
6月16日-30日
關於    歷史    聯絡    iOS, Android    條款    活動籌辦    伙伴    版權所有 © Timable Limited 保留一切權利