今日5pm,中环皇后像广场突然咁多人? 未系4月1日大游行喎! 唔通d人记错左日子? 奇就奇在人人都拎住个枕头,又好多着睡衣cosplay咁喎! 搞边科呢?


哦~ 原来今日系国际香港枕头大战日!!! 到左5:05,搞手西人Tom爬左上皇后像广场个像上面(by the way,个像系男人,唔系皇后,点解叫皇后像广场?),渠话:If Police is coming to stop you, you should say, "You can take my freedom, but you cant take my Pillow!!!" 作为越来越被剥削自由的香港人,听落呢个gag都有d 心酸...不过唔理,玩左先讲! 一声号令,大家开始Pillow fight!!!


相信大家都有好多怨气,十分狼死,拎住个枕头,见野就扑!!! 间唔中有人特别高调的话,就会被人围殴,通常被围殴1分钟后,那谁就会筋疲力尽,嗌投降...



打打下,枕头都爆了,棉花飘浮,就似3月飞霜,世界怪得夸张,谁又去决定谁正常,不知哪个有异想...



除左群殴,大家最开心的就是围殴阿Tom,渠一出现,有人大嗌:打大佬呀! 众人便群起殴之! 难得阿Tom俾人越扑越开心,果然系Pillow Fight达人兼港区话事人!

玩足一粒钟,大家都好支力了~ Tom宣布是日Pillow Fight完毕~ 大家将枕头抛上天,就好似毕业典礼将顶帽抛上天一样~ 真系好好玩~


唔好諗住玩完拍拍pat pat走得,大家齐心合力,执返晒散落一地o既d枕头同棉花! 其实都几难执,不过大家都好有公德心地执返好晒先走~

今年Miss左??? 唔紧要! 下年玩过~ See you next year!!!

搞手靚仔Tom

=====后记======
枕头大战未开始,在场的保安阿姐大为紧张,系咁问人究竟搞乜...睇渠的神情咁紧张,都戥渠惊,搵食o者~ 但系我地玩枕头,犯法呀???
冇几耐,疑似渠上司的人出现,冇阻止我地玩.
其实我都有d 担心会有差人到场,但结果玩到最后,差人的黑影都冇个,大家玩得安心~

不过,正所谓,香港始终有一次要出动防暴队或摧泪弹,希望唔会系因为枕头大战吧~


Timable特约记者: 黑莓
摄影: 黑莓
31/3/2012