是咁的,今年期待嘅Show,先有BLUR,话晒人哋只碟o系香港做,诚意十足,典都比那些口话爱港实情送走晒啲仔囡去外国嘅胶官更爱香港,唔睇典得~

第2个Show是MUSE,虽则已睇过2次Live,不过一来渠哋嘅Live睇极都咁正,2来喺正928呢个咁具历史性嘅日子开Show ♫They will not control us We will be victorious♫ 唔入场一齐鸠嗌典得~

然后3部曲最终站当然是来到CLOCKENFLAP!等足一年.终于来到了!

Day 1 - 27/11/2015
一入场即去Clean Bandit,英国嘢,几过瘾!睇完即奔走过去Damien Rice开「饭」啦!哗~治愈暖男呀!《The Blower's Daughter》呀~喺维港夜景下听真系...典解我冇得揽住条女听嫁?! DR一个人企喺台上自弹自唱,原来在喱士幕后是队Band同好多灯,灯光透过喱士穿出来效果极佳,靚到爆~整多只《It Takes a Lot to Know a Man》,死未?冇女?应该系冇女took a lot to know me啰~ 暖男完正想去Flying Lotus,路过Club Minky,听到异常尖叫,探头一看,明哥呀!算是隐藏Line-up,Schedule写大爱同盟,睇Detail先知有明哥嫁~Cover了《It's a Sin》、《Dancing Queen》同《YMCA》,个台细,超近距离,伸手都摸到明哥了!明哥唱完就打碟了~有播Blur~听下听下,Un下Un下,就唔记得咗原先去紧Flying Lotus...就咁Miss咗,事后听讲超级正...蚀咗~冇去听Ride,直接去等Love Psy!正呀喂~唔驶等到尾,中间已唱《Last Smile》!呜呀~ 超靚灯光超靚声凉凉哋太好Feel,唔知日文唱乜都自己对号入座,身边没有另一半,我怀疑我已经用咗我人生嘅Last Smile...泪流下来了...第一晚系咁先~

Damien Rice @Harbourflap

黄耀明 @Club Minky

Love Psychedelico @Atum

Day 2 - 28/11/2015
直奔Harbourflap大台支持本地歌手Yoyo Sham,见渠爸爸席地而坐支持阿囡,加埋阳光,好Warm~Yoyo靚声冇得顶~然后Julia Holter,外媒力推,梗系要听听~Life was all Silence后摇加埋开始日落加多杯啤,OK呀~窦靖童初试啼声,一开声有点似妈妈,唱英文为主,音乐没有一点邻近经济强国味~跟住大台何韵诗!第一首《千千万万个我》一开声竟然咪冇声!搞足半首先有返声...然后Cover《时代曲》,《迷你与我》,《元神出窍》,《抛砖引玉》,《无名》,《Space Oddity》,《是有种人》,看得出用心,我有尽力嗌呀,但未必Draw到外国人来听。Anyway,都要多谢大会靚时间俾个大台,如果再玩放啲,啲歌玩长啲,可能会更好,仲以为卢凯彤矛得唱邻近经济强国会上台Jam返首添~加油呀!阿诗~12月麦花臣见~跟住到今年令一重点The Libertines,一来就冇热身即高潮,好狠劲,Carl狂chur烟,结他上有专用插烟装置,可惜差枝饮管,你话渠哋好hea好随意咁样样咩,又唔系喎,完全冇甩嫁喎~好过愈~歌较短,啲歌her her声咁去,似Tour Full Set,仲有Encore呢~临尾走过去YourMum执多2只Mercury Rev,第2日完~ 有啲攰...

何韵诗 @Harbourflap

The Libertines @Harbourflap

Day 3 - 29/11/2015
先嚟Sleep Party People,几爽喎,不过戥渠哋热,成身黑衫,戴住兔仔面具,太阳晒住...过去Atum睇日本仔,阿Tokumaru-san识玩100样乐器但今日只玩结他,同full band夹好爽,音乐很日本,如果放落只太鼓Game入面应该超好玩~SOAK未日落就有点迷幻,Nouvelle Vague之前睇过Show了,血肉果汁机好heavy,唔听Chic走去YourMum听荔枝王,冇去错,好硬心,好很正!Battles正到HiHi,玩Effect,正到爆!唔睇坚系损失~终于到今年重点New Order,要到Encore位先嚟料Joy Division《Love Will Tear Us Apart》then《Blue Monday》作结而其实我系冇睇尾的...即系冇睇到大mon打"Forever Joy Division"咁煽情嘅字...因为睇到咁上下就赶咗去你阿妈嗰度睇卢广仲~一去到就喺度叫紧对对糊 ♫对呀~ 对呀~ 对呀~ 对呀~♫ 企满成个YourMum场,好似冇试过喺Clockenflap睇台湾line-up咁high,简直要用卢广腔Yeah返声~一唱完,马上向左转,向出口走去,十分沉重,一来玩了两日半好攰,二来今次应该是最后一次咁大而又在西九搞的一次Clockenflap,依依不舍,路过最后那个Robot Stage,DJ已谢,笙歌已停,显得这故事尾声更动听,正当需要安慰时,双手一握,只有空洞,爱若难以放进手里,何不将这双手放进心里...

Sleep Party People @Your Mum

卢广仲 @Your Mum

New Order @Harbourflap

总结
今年Clockenflap都可算系最大,从前的姊妹Stage都分拆了散落在各个地方,第2大台Atum比过往的Replay更大。中间的亲子+饮食+电影棚+Club Minky区更大了!可惜Craft Market有点疏离了,恐怕人流会少了。值得一赞的是Toilet,数量大增,排队情况大大改善,可以畅饮,不过$65/杯可不算便宜喔,大家记得上网refund返手带上用剩的钱~

音乐方面,身边的音乐界朋友都大赞今年line-up好掂。笔者「听龄」尚浅,且未开窍,只能当鸡精班,即系同搵名师林溢欣教小学生考TSA一样,嘥料。多得身边朋友指教听这听那,领会到多少睇造化,亦要努力地KKBOX,试后都要温书。

至于呢篇文条奇怪的题,大概不少单身人士都会身同感受。(条题男女适用,可作「女人一生,只为寻觅一个肯同自己睇Clockenflap嘅男人」) 场内大部份外国人,热情奔放,不足为奇。笔者眼见外国情侣横卧在地女上男下打车轮,但画面配合Live Music极尽唯美绝不咸湿。就算是本土人,亦不少拖男带女,四周环境影响,若我与歌再加上你,温度将提高更多。这些画面收在本土毒L笔者眼内总会有点不是味儿。题中的Clockenflap是个比喻,比喻着要找个有共同兴趣(尤其是当你的兴趣比较niche)的女友/男友确实不易。当然,题中的Clockenflap本身也mean something,那是一个有世界级音乐+无敌维港景+靚人靚事+美酒佳肴+自由空气+大片草地+朋友家庭嘅一年一度盛事,但我们总不能个个Weekend都Clockenflap,J得太多会冇feel。现在香港的日子这么难过,确实需要一些动力一些目标支持我哋平时嘅生活,帮我哋面对荒谬。记得去年,笔者是先去金钟,再到西九的。如今,事情总算定了些下来(但当然未解决!未解决!未解决!!!),但在休养生息时总需要音乐,总需要享受一下,Clockenflap正可充当这个角色。倘若,有个有共同理念又真心胶懂得欣赏Clockenflap的人在身边,那就最好不过。但若然未有,也不用气馁,宁愿一个人享受自己或找朋友欢聚,也不想找个你畀埋渠张飞钱渠仲西口西面问你「典解Harbourflap冇XXX唱嘅?!」(唔想得罪任何人,XXX请自行填写)你可以回应一句「你去你阿妈度搵啦...I mean一齐过去YourMum Stage睇下有冇你个XXX啦~BB~」

这不是一篇J文,笔者只是写一些所见所闻再加点个人情感,希望大家都不要偏激丧插,有错请指教,毕竟Clockenflap是一样美好的事情(除了价钱)。香港现在都很两极化,好像跟自己有点不一样就是死对头。Clockenflap也给了我们一课,尽管大台在唱神级的New Order,又或者细台在唱劲过瘾的卢广仲,细心一看你会发现总有不少人还在其他极细台笑着跳着Un着饮着,理得大台在唱乜,这就是多元,Clockenflap是个共同体,和而不同 (但同价钱! =p),那不就是香港而家正正欠缺了的吗?

小道消息,下年11月18-20日,不在西九,在中环海滨,好似系,除非唔系。
祝大家下年都一双一对,好好享受Clockenflap的美好时光~

重温Clockenflap 2015 Line-Up
http://timable.com/page/clockenflap?m=p

Photos Credit: Official PR
(笔者为全程享受,放弃大机,只用iPhone作留念)

文: 黑莓