官方足本重播 http://www.tvmost.com.hk/2016_tenbig

由宣布搞总选一刻开始,其实已经全城期待。林日A又十分透明地一路报告进度,当中提及所遇到嘅难题,包括要劲蚀一球先成事,于是有fans自掏荷包赞助以表支持,但集腋始终难以成「球」。其中一个高潮系正当Promo Materials就快要出街即系要confirm晒啲嘢之际,冠名赞助商Shell终于出现!不论有车冇车的人全都立即神化此Brand,视之为救世主 (有关Shell之石油争议请睇沉旭晖fb),大家亦史无前例地由衷真心胶又毫不吝啬地多谢一个「商业」活动嘅赞助商,为咗少少机会有飞,林生脸面一宣布边个油站有飞送(极少量),有车废青立即9冲去油站加油加油。抢飞程度,近年少见,同Lady Gaga有得挥。


入到场,听住伪.大台颁奖礼主题音乐,心情兴奋。开场,毛记主播们出场跳舞,雷动嘅掌声同观呼声劲过睇Eason,唔够一年时间,几位主播嘅知名度之高,是一个奇迹。

逐首歌分奖,王宗尧同盘菜唱过之后第一个高潮来了,叶蕴仪唱《中女罗生门》,本身都真系唱得几难听下,但件事正,豪俾你,然后专家Dickson出场顶Juno个位,全场爆High,渠唱那段毒L自白亦系未出过街的,坚正!然后张氏兄弟唱《想搭很难》又是好正!全场一齐唱返《喜气洋洋》畀小凤姐听又系经典!到何韵诗唱《明张目胆》更正,真系填得好抵死!好可惜陈奂仁嚟唔到又唔换人唱,但播出来的好似系再拍过?!好似长过之前?然后曲金曲奖,河国荣《亚视永恒》,铺排咗大半年唔俾只歌上Top 1 就系为咗呢个Moment,真系好正!(穿过咗王征,跨过咗嘅维基在台下) 渠话毛记好有爱,「爱」字都系鬼佬易开口啲。

最受欢迎组合系繁忙儿童合唱团,唱咗首Medley《Sir来了+测无验+喇沙真的爱你+完咗暑假+补充练习无间做》,呢Part真One of the Best of Tonight,一班天真无邪嘅细佬唱出最讽刺嘅歌词,好好笑得嚟眼泪不自觉地流到成面都系,其实就算俾「唔得掂」睇渠都唔会明,细佬版刘华型到裂,呢Part坚正!(睇呢度: http://goo.gl/s9KGXc | 伸延阅读 「刘小华」妈咪祝所有小朋友「用自己方式认识世界」http://goo.gl/DZFq2z )


Gatsby《畀女飞正传》的林海峰好可惜又冇到,否则会好爆。鹏哥唔驶试咪就直接唱《几好相与》high爆!林雪Video在Now直播广告时段丧爆粗好好笑。俞琤呢头唔做商台嗰头就来拎「大紫荆分奖」,由惜日后辈林日A颁俾前辈,意义重大,YT一段读白亦语重深长,如果香港在位的都是咁样諗年轻一代,香港就唔驶搞到而家咁。(伸延阅读「林日A与俞琤」 http://goo.gl/NPlqmC )



hocc获分「一台联颁传媒大奖」唱出新填的《废铁是怎样炼成的》,方健仪得香港区最受欢迎女歌手奖在小凤姐面前唱出新填的《婚姻背后》,而河国荣分得香港区最受欢迎男歌手奖唱《真.香港地》同原装MC仁一齐Rap,全场真正高潮丧嗌一齐唱!(场内见盘菜边睇边狂抹眼泪) 三十年前买单程机票来港嘅鬼佬,话冇諗过上一次封面就会搞成咁,收到份词好开心但又好担心,因为要Rap,对个老外嚟讲点都有啲难,但最后都完美地唱出,一个真.香港老外带住大家唱「同热爱这片土地 大家刻骨铭记 愁或喜 生与死 也是香港地」,滚动否?

改歌词唔是第一日,当年嘅《鸠瘾》响彻K房,几年前小克改《一丝不挂》成《一支得挂》Eason亲自唱过Live,高登亦不嬲有改开,即改词不是新鲜事。但林总将之升华,靠坚持同快。坚持者,一星期改十首,风雨不改,首首贴近民意。快者,星期一临出街有新Topic会抽起旧嘢即作即出。当然,斋坚持同快系唔够,仲要够认真同绝核。认真者,「认真事柒做,柒事认真做」。绝核者,才华、触觉、创意是也。

自从黄子华转战红馆,估唔到能够再喺伊馆拍烂手掌同丧叫。一开场东方升嗌「点人数」同分咗2999个奖俾在场每一位观众,而场刊亦是一个奖座形状,人人有奖,足见其创意同用心。唔止笑,其实眼泪同样多。边睇边想,呢件事好香港,我唔觉有其他地方可以喺大半年内,由零变成一件咁爆嘅事,如果在一个太平盛世,基本上冇可能,就系个咁胶咁荒谬咁痴L线嘅社会先会有无限Topics去成就呢件事,说来讽刺,又是事实。台上没有人感谢建制、689、共产党,当然也不应感谢,但确实冇渠哋就冇毛记呢件事亦冇呢个Show。如果问林日A,我估渠答宁愿冇。

前文说过,毛记的「颠覆/破坏性创新」Disruptive Innovation的确厉害(伸延阅读 毛记电视《劲曲金曲》幕后黑面 — 林日曦 http://timable.com/blog/995278 ),而家有边个Media唔系跟住渠哋走?作为行内人,其实对毛记又爱又恨。爱者,每次渠哋都有佳作,而且都好令人五体投地,你不难听到行内人(即Online/Social Media、广告公司同Agency等)常常写个「服」字畀渠哋。恨者,一来难追;二来,就算我哋肯追,啲Kai人(亦即Client) 都唔会肯追,香港啲Kai人仲停留喺电视(大台)同纸媒(详细请阅Rudi Leung广告风凉话 Facebook page)嘅年代,我肯度埋桥draft埋Sell埋畀你,你到头来叫我一字不漏照出你的娘屎官腔Copywriting?!OK!我费事同你拗照出,之后你问我点解冇人Like?咁趣致嘅?!难道你认为你啲娘屎官腔Copywriting会引来Gatsby同Shell 嘅反应?你可能唔知呢2个Cases,或者系你高层/高高层唔知啫。当然,毛记初时都遇到呢个问题,但凭住渠哋嘅坚忍同毅力,终于打破咗缺口,借着Gatsby同Shell 呢2个Cases希望可以Disrupt埋Kai人界,跟返个地球转,接受新嘢,不再固步自封。

全晚洗版,洗到第2朝都仲未洗完。中学教师朋友传来Whatsapp说渠仲有1/3班学生仍然不知毛记为何物,继续沟女波鞋打机。跳出来看,我们这班毛记死忠不应自我中心地认为毛记已经是好大好大,而再搞笑的嬉笑怒骂亦其实未能即时改变荒谬嘅议会同体制。我问林日A「你在消费政治吗?」渠答「我提供一对门,等你自己去打开然后发掘。」钟树根区选落马,你敢讲完全唔关首《明张目胆》事吗?继续唱《鼠能够》能否为香港灭鼠?河国荣得奖时说「试可能会失败,唔试就一定失败。」老土但永恒地啱。全晚除了Shell是大赢家,在场内/场外的每一位观众都是赢家。多谢毛记,请继续玩L晒,下年红馆见!


PS 1. 冇咗第一代主播o赵海珠
PS 2. 仲有2首真.沧海遗珠:《会过海的》真.车婉婉 同 《发达号》真.RubberBand

毛记电视《第一届十大劲曲金曲分奖典礼》Rundown及分奖名单

开场
《Dance歌之王》众伪员

十大劲曲金曲
10/ 《终身习武》真.郑融 (冇嚟)
9/ 《胸追人》真.王宗尧
8/ 《越癌越爱》盘菜莹子
7/ 《中女罗生门》真.叶蕴仪 feat. Dickson
6/ 《想搭很难》真.张崇基、张崇德

NOWTV广告时间
《鼠能够+耶稣到》梁靚芬合唱团唱

5/ 《羞家BABY》FF的s
4/ 《中东与综》真.方健仪
3/ 《明张目胆》真.何韵诗
2/《 北韩海阔天空》真.陈奂仁 (冇嚟)
1/ 《亚视永恒》真.河国荣

NOWTV广告时间
男女歌手最后五强片段

香港区最受欢迎组合
《Sir来了+测无验+喇沙真的爱你+完咗暑假+补充练习无间做》繁忙儿童合唱团

最受Gatsby欢迎广告歌曲大奖
《畀女飞正传》林海峰 (冇嚟)

最受Shell欢迎广告歌曲大奖
《几好相与》卢海鹏

NOWTV广告时间
不得奖感受 | 林雪 (含大量粗口)

大紫荆分奖
俞琤

一台联颁传媒大奖
《废铁是怎样炼成的》何韵诗

香港区最受欢迎女歌手
《婚姻背后》方健仪

香港区最受欢迎男歌手
《真.香港地》河国荣 feat. MC仁

报导: 黑莓
鸣谢毛记提供门票

图片来源: 100毛fb、毛记电视fb、Facebook #多谢Shell、NOWTV Cap图