强国纸扎星矢强化版 — 科大撼庄奇珍神兽展

作者: Timable, 2016年2月4日 (四) 上午11时04分


之前强国有条Weibo话强国街头出现咗一批纸扎嘅圣斗士星矢,唔知系二次创作定系有星矢土豪粉丝瓜咗老衬孝子们扎嚟烧畀老豆,o采!乜新年流流讲啲贡嘢~

呢头笑完「邻近经济强国」8-1,嗰头香港3大学府之一嘅科大竟然出现咗类似嘅东东!不过望落其实都唔似纸扎,感觉结实,用料又靚,有啲仲好闪闪!

角色方面,有原创,当然都有二创!冇乜胶味,睇落都几Cute嫁~



至于典解有呢堆奇珍神兽出现?科大毕业嘅小编读书时从未见过,拱梗系立即马上即刻借啲椅whatsapp美少女师妹问吓啦,原来科大呢排系撼庄期,即系唔同Soc(学会)嘅选举期!喂,人哋真普选嚟家嘛,拉票认真落力啲是常识吧!所以就每支庄(即系候选内阁)都整返只吉祥神兽出嚟震吓声威助吓选咁~选举唔系吓吓都要爆对手黑材料贡低手嘅~



嗱,老老豆豆,啲神兽唔知会摆几耐,因为个个Soc嘅选举日子都唔同,亦唔知隔离学校个「你个浆」会唔会担心友校同学又Take咗嘢,Call 啲慈母入嚟清场,所以,要睇要影相的话就新年好返去观摩吓喇~

最后,身为上庄老手嘅小编点醒下各位科大同学仔(动作: 反枱 | 语气: 爆粗),「上庄唔驶贡认真,但求玩得够开心」~仲有,[ 动真气Mode ] 唔该关心同参与多啲社会运动啦!隔离学校嘅事都系你嘅事呀!

两庄互片中

文/编: 黑莓
摄: 科大暗黑林志玲