"Disney Halloween Time" 带你反转迪士尼!

作者: 玩乐专员, 2016年9月27日 (二) 下午1时51分


Halloween又嚟啦!识玩一定系去迪士尼同一大班Disney Friends玩,今年仲有一班恶人带你反转迪士尼!想知小编玩咗咩同有冇吓到出唔返嚟,即刻睇下文~

诡异气氛笼罩迪士尼!迪士尼恶人大出巡!
嚟到入夜嘅迪士尼乐园,已经开始感觉到一股诡异气氛笼罩住整个乐园,事关成班恶人已经出嚟晒马,企图占据乐园!打头阵系邪恶皇后同无恶不作嘅巫师贾方,渠地一出场已经令小编感觉身边有寒气,喺渠地巨大身影后面系一众奸角盟友!一大班迪士尼恶人就系咁样浩浩荡荡展开巡游、劲歌热舞,务求令整个乐园都有渠地嘅踪影!喺依个时候,小编突然听到好恐怖又凄厉嘅笑声…原来黑巫婆施展魔咒化成巨大魔龙,用邪恶火焰吞噬咗城堡,漆黑夜空弥漫着火焰魅影!



不可思议.诡梦实验室
为咗逃离黑巫婆,小编误打误撞入咗「诡梦实验室」…
一踏入诡梦实验室就被怪异教授引咗入诡异梦境,仲见到一大班迪士尼恶人,迷糊间开始咗一场疑幻似真嘅旅程,唔止见到《爱丽斯梦游仙境》嘅疯帽子,仲发现自己身处《魔盗王─决战鬼盗船》嘅监狱,面对加勒比海盗不停进迫,小编只好諗计走人!之后仲有接二连三嘅不可思议事件发生,想知咩事最好系亲身体验,因为讲你都唔信…依刻小编已经分唔清咩先系真,咩先系梦~




好「吓」精神.迪士尼恶人花园
半梦半醒之际,小编已经走到梦想花园,点知原来梦想花园都畀恶人掌管埋,变成「迪士尼恶人花园」!小编唯有打醒十二分精神,迎战一班极具好「吓」精神嘅恶人啦…一场嚟到,小编决定鼓起勇气,同班大坏蛋selfie返一张恶形恶相合照,小编集邮成绩非常唔错,成功集咗渠地邮: 《101斑点狗》女魔头 Cruella de Vil、《爱丽丝梦游仙境》红心皇后、《小飞侠》虎克船长、《怪诞城之夜》Jack!除咗合照,大家够Ginger的话,仲可以喺花园参与「迪士尼鬼马Trick-or-Treat」,话唔定惊吓惊喜打孖一齐送上!



Halloween日场一样好玩!
玩Halloween活动唔一定只限夜晚,日光日白一样可以好好玩!
全新「万圣之王」米奇及「万圣之后」米妮会系乐园白昼举办盛大Halloween Time派对!小镇广场嘅巨型米奇南瓜系今个万圣节必影位,一班迪士尼朋友仲会换上万圣节装束同大家见面影相添!小编觉得「米奇Halloween大街骚」系必睇嘅,够哂鬼马趣怪呀!



点先系最抵玩?
迪士尼粉丝应该好希望可以喺Disneyland一玩再玩!等小编畀啲贴士你,点玩先系最抵!即日起至11月13日,香港居民只需以$599(小童 $428),即可于香港迪士尼乐园官方网站或乐园正门售票处购买「双重节日『玩转迪士尼』优惠」之小童或成人套票,系9月15日至12月15日期间*畅游乐园两次,玩尽香港迪士尼乐园万圣节及圣诞节的一系列丰富活动!* 不包括10月28及29日

购票方法
日期:即日起至11月13日发售
销售点:
香港迪士尼乐园官方网站 (http://bit.ly/2cBn47i )
香港迪士尼乐园正门售票处
购票资格:香港居民
(所有香港身份证持有人,或持有香港出世纸及附有相片的学生手册副本之3至11岁宾客均可享用此优惠)

更多详情 on Timable: http://tmbl.hk/e/5HN5