美少女转身变~已变成…3D夜光八达通!

作者: Timable, 2017年7月19日 (三) 下午12时07分

根据非正式统计,超过80%妹猪对于美少女战士嘅精品系完全冇抵抗能力,包括女小T自己,啲魔法棒呀、公仔呀,已经放到一柜都系……不过今次要介绍嘅美少女战士商品唔单止唔会畀阿妈闹阻碇,仲可以日日拎出街用,劲实用呀!


八达通公司最近宣布嚟紧会推出两款美少女战士3D八达通配饰,主角当然系月野兔啦!渠分别坐喺变身盒同月亮上面,仲会有夜光效果添!够晒特别!嚟紧唔知会唔会推出埋其他角色呢?



今次仲系八达通公司首次推出美少女战士产品,绝对有收藏价值!想买嘅话就记住mark实7月26日喇!朝早七点开始就会喺全线7-Eleven便利店公开发售,每款售价$188。留意返,呢个配饰入面系储值额同不设按金嘅,想拎出街用就增咗值先喇~

资料来源:八达通公司
http://www.octopus.com.hk/home/tc/index.html