【Netflix原创】美版《死亡笔记本》电影登场!

作者: Timable, 2017年8月25日 (五) 下午1时19分

YouTube 影片


日版《死亡笔记》大家睇得多,原创漫画亦都多次被拍成真人版电视剧同电影,唔少粉丝都非常期待Netflix版本嘅改编。


故事大纲同原创漫画差不多,都系描述一名高中生意外发现一本拥有超能力嘅笔记,笔记蕴藏神奇力量,只要笔记主人写下某个人的名字,并喺脑中諗住渠个样,当事人就会死于非命。意外获得呢项有如神助嘅能力后,呢名年轻人就开始渠嘅杀人计划,杀害渠认为不配活在世上嘅人。


美版《死亡笔记本》电影用上4K拍摄,仲邀请咗英国着名摄影大师David Tattersall(曾拍摄《星球大战前传》第一至三集、《绿里奇迹》)参与拍摄。渠哋亦决定摆脱漫画及卡通化拍手法,反而参考经典《的士司机》及《搏击会》的画面质感、《法国贩毒网》及《七宗罪》的追逐场面等等,增添真实感及奇特风格,建构《死亡笔记》的取镜及拍摄模式。



另一个焦点当然就系死神啦!今次电影嘅死神角色就由《蜘蛛侠》「绿魔」演员Willem Dafoe声演,为电影中身高达9呎、暗黑造型嘅死神角色增添恐怖感,用传神声线演活邪恶死神。


而今次呢位死神亦都系一个「有故事的人」,事关导演Adam Wingard将死神路克设定成为历史久远嘅人物,死亡笔记经历历史洗礼,落入美国高中生Light Turner手上之前,除咗曾于日本从天而降,连拿破仑、维京人甚至中国汉朝皇帝都曾拥有此笔记,所以制作死亡笔记道具时更加入中英法日文的字迹!大家睇戏时不妨细心留意下丫!