唔使去日本!元朗大棠以外的红叶观赏热点

作者: Timable, 2017年10月26日 (四) 下午4时37分

最近打开ig同facebook,都见到好多朋友洗板post红叶相…呢个喺韩国南怡岛,嗰个就喺日本河口湖……得喇,知你哋又有假又有钱喇!其实唔使搭飞机,香港都有好多红叶观赏地方㗎!大约11月中旬至12月开始,香港嘅红叶就会开始变色,一于mark低以下地方,到时约埋朋友去睇啦~

嘉道理农场暨植物园
位于大埔嘅嘉道理农场环境清幽。喺上山区度有九条生态径,畀您游历于田野山林之间,抬头望仲可能会发现到红叶嘅踪影添!

图片来源:嘉道理农场暨植物园

流水响
位于八仙岭郊野公园范围内嘅流水响凭住一排排列齐整嘅白千层同水塘美景而闻名。一到秋天,成排白千层就会挂上红叶,真系好似仙境咁呀!

图片来源:instagram/@流水响水塘

青衣公园
青衣公园面积广阔,入面仲有个人工湖,湖边种咗十数棵落羽杉同水松,转季变红叶嘅时候场面都真系几壮观㗎!


图片来源:小T个朋友

中大末圆湖
未圆湖位于香港中文大学崇基学院内,夹于众志堂(崇基膳堂)和岭南体育场之间。湖畔亦都种有落羽杉,骤眼睇仲以为身处外国呀!


图片来源:都系小T个朋友

最后都系要提提大家,就算去边度赏红叶都好,记住要爱惜大自然,唔好随处掉垃圾,更加唔好为呃like而做出破坏大自然嘅事呀!