唔使摸门钉! 连锁食店新春营业时间

作者: Timable, 2018年2月13日 (二) 下午1时10分

新年期间普天同庆,唔少食店都齐齐放大假,唔想煮饭可以点算好?
即刻睇下呢几间大家成日食嘅连锁食店嘅新年营业时间啦!


翠华餐厅
屋企附近有冇翠华? 如果有就唔怕搵唔到食啦~ 因为翠华系新春期间将会照常营业。


太兴餐厅
大家如果初一想食烧味要晏少少啦~ 太兴全线分店年初一中午12点启市,年初二起照常营业。



谭仔云南米线

谭仔迷要忍一忍啦,除左4间指定分店之外,所有分店都会由年三十(15/2)休息放假到年初四(19/2),到年初五(20/2)先正式启市;而葵芳好爵中心、沙田伟华、旺角豉油街同埋将军澳新都城分店,就会净系年初一 (16/2) 休息,年三十、初二、初三同初四都会照常营业。

指定分店地址:
葵芳葵义路2-10号好爵中心地下49-54号舖
沙田正街11-17号伟华中心商场地下5A-5D号舖
旺角豉油街50号富达大厦1/F SHOP B
将军澳新都城第三期 2/F SHOP 216-219号舖



谭仔三哥米线

年三十晚 (15/2),谭仔三哥大部份分店都会停止营业,只有元朗形点和机场照常营业。

而农历新年期间年初一至初四 (16/2-19/2) 大部分分店暂停营业,只有三间分店正常营业:机场分店、元朗形点2期分店、九龙湾德福分店; 另外九龙塘又一城分店都会开门,营业时间为11:00 - 22:10

另外因农历新年佳节期间,三哥将收取加一服务费(总金额为四舍五入去计算),



南记粉面
谭仔同三哥都唔开,世界末日呀! 不怕~~ 南记虽年三十晚会收5:50pm, 初一休市,但初二就已经启市,大家初二起有米线食啦~~



大家乐

大部份大家乐分店于新春期间仍会照常营业,但部分分店嘅营业时间或有不同,大家可以直接Inbox大家乐 Facebook Page查询指定分店开几点。



美心MX
大部份美心MX分店于新春期间仍会照常营业,但大会堂同香港站分店会于初一休息,唔好去错啦~


吉野家
除左指定分店例如观塘成业街同湾仔新鸿基中心,新春期间大部份吉野家分店都会营业,大家可以照食「吉边」!但初一同初二好多分店营业时间会推迟,详细大家可以参考:https://goo.gl/cvhLbX