Avengers 3 我嚟啦!无剧透「无限宝石」懒人包

作者: Timable, 2018年4月24日 (二) 下午1时31分

听日!听日就喺啦!身为Marvel超级fans,相信大家都同小T一样等咗好耐好耐。虽然今次牵涉到好多旧有剧情,但你又知唔知究竟无限宝石系乜东东呢?

今次小T就同大家嚟个整合啦~

喺电影版,六粒无限宝石来自于宇宙大爆炸前六个奇点 (详情请观看《银河守护队》)。今集大反派Thanos就想集齐六粒宝石后拥有超越神级嘅力量嚟消灭宇宙一半人口~

空间宝石 (Space Stone)

相信大家一定最熟悉呢粒蓝色嘅空间宝石啦~ 渠能够将物体任意移动到任何空间,曾经出现于《雷神索尔》、《美国队长》以及《复仇者联盟》,最后喺《雷神索尔3:诸神黄昏》比洛基偷偷带走。

灵魂宝石 (Soul Stone)


呢粒拥有可以操控灵魂嘅宝石喺今集嘅关键!因为渠除左喺《银河守护队》中收藏者介绍无限宝石嘅萤幕上出现过之外,并未实际出现于任何Marvel系列电影上!!小T都好想知渠喺边呀!

现实宝石 (Reality Stone)

呢粒红色嘅宝石可以令到世上所有物质瞬间黑暗化,首次出现于《雷神索尔2:黑暗世界》。虽然渠最后被存放于「收藏者」的博物馆内,但《银河守护队》中博物馆因剧情发生爆炸而暂时下落不明。


时间宝石 (Time Stone)

呈绿色嘅时间宝石存放于「阿迦莫多之眼」颈链内,可以令人穿梭于过去未来。首次出现于电影《奇异博士》,目前被奇异博士存放于尼泊尔卡玛泰姬至圣所图书馆。


力量宝石 (Power Stone)

喺《银河守护队》入面争餐死就系呢粒紫色嘅力量宝石。渠可以令使用者轻易操控任何形式嘅力量。现时被柴达星嘅「新星军团」保管。

心灵宝石 (Mind Stone)

黄色嘅心灵宝石首次出现于电影《复仇者联盟》,可以用来控制人嘅心志,提升同赋予使用者无限智慧,现时被放于幻视额头上,同时亦成为渠生命嘅来源。


快d share比人,齐齐ready睇Avengers 3啦!!