食平DD!父亲节性价平三大推介

作者: Timable, 2018年6月8日 (五) 下午1时20分

到咗父亲节,想同老豆食好西,喂阿哥,间间又book爆晒,又set定晒呃钱menu,识食嘅,贵嘢梗系平日唔系大时大节食,同大节大时食返啲普通得嚟又好食嘅嘢啦,分分钟仲少人过平时添!

嚟,小T 孝顺老豆食好西三大推介!

1/ 沾仔记

已经好出名唔驶乜推介?听埋我讲先啦!呢间真系小T最爱!喺香港,系好难得有餐厅肯专心卖好少items嘅,沾仔记嘅料就系得招牌云吞、巨型鯪鱼肉球同鲜牛肉!少样数先会做得精!真心$30喺中环食真坚系抵!重点食,一家三口嗌三碗单拼,然后开心Share料咪最抵啰!当然,嗌双拼咪再开心啲啰!

地址: 中环威灵顿街98号地舖



2/ 筷子记

父亲节带老豆食车仔面都叫食好西?你又听埋我讲先啦!呢间系非一般车仔面,系澳式车仔面!澳洲都有车仔面?唔系澳洲呀!系澳门呀!可以嗌嘅料同平时嘅港式车仔面系好唔同嘅!当然仲有其他澳门特色食物,例如猪扒包都好好食ga!直头好似去咗澳门咁!唔驶搭船,又唔驶等港猪噢大桥通车,你话是咪爽先~

地址: 中环威灵顿街85-89号群英商业大厦A1号舖




3/ Grill ขุนทอง

星期日仲要父亲节咁多人,不如食轻便啲但一样超好食!呢间串烧铺超高人气,平时你哋蒲完老兰都一定食过,咁当然你唔好话俾阿爸知啦,但可以带渠嚟食嘛。位就唔算多嫁嫁喇,再唔系,嗌返几寸,再过7仔买罐啤喺街边啤啤渠,话唔埋渠会将当年追阿妈嘅浪漫史讲过你知呢~嘢食就样样好食嫁喇!随意嗌~

地址: 中环兰桂坊德己立街17-19号地下





做乜介绍3间都系中环?因为食完仲可以上大馆睇免费嘅「创造未来的历史」光影表演嘛!是咪好贴心呢~
详情: http://timable.com/event/1642744


祝各位父亲节快乐!