每到周末,总系諗爆头都諗唔到去边好?今个星期又乌云盖顶,唉,见到个天都冇心情。既然系咁,Timable就为你度身订做份周末行程~星期六日都塞到爆,充实得嚟又顾住你唔想太Chur嘅要求!


【星期六(7/14)】
辛苦咗5日,星期六梗系训得几晏得几晏啦!起身食个Late Breakfast,不妨去听场音乐会~这星期六陈柏宇、叶巧琳和小尘埃会系九龙湾一齐Jam歌。小尘埃最近出咗张儿歌专辑,唔知渠地会唔会一齐系场内Jam儿歌呢?

新城「劲爆乐势力」 “Live in E-Max”(九龙湾)
时间:下午1时 ‑ 2时30分
详情:https://timable.com/event/1668739

听完歌想静静地睇下展览?理工大学嘅设计年展绝对唔会令你失望。呢班毕业生虽然年纪轻轻,但渠地嘅作品有深度得嚟又几有趣,就算你唔系艺术人都唔驶怕闷亲。场内有超过200份作品,由广告、电影到装置艺术都有~今个星期六就系最后一日,想睇就要快啦。


「满师」理大设计年展 2018(尖东)
时间:上午11时30分 ‑ 下午7时30分
详情:https://timable.com/event/1646856

行到攰攰地,不如就去High Tea吓啦!今个夏天朗廷酒店同Pandora合作,将一系列嘅珠宝做成小点。每份食物都系由西班牙借行政糕点总厨David Puig设计,绝对唔驶怕「襟睇唔襟食」~尊贵版仲有香槟提供~等你同闺密可以好好享受呢个下午。


香港朗廷酒店 X PANDORA「仲夏派对下午茶」(尖沙咀)
时间:下午2时15分 ‑ 4时15分/下午4时30分 ‑ 6时30分
详情:https://timable.com/event/1647653

成日觉得舞台剧/剧场表演好闷?其实剧场表演都可以同观众有互动,《再这样下去很糟糕》是一个关于失恋杂货店嘅故事。咩话?你啱啱失恋怕触景伤情?唔紧要,主办单位话明啱啱失恋嘅朋友可以用$100优惠价入场,如果你失恋好耐仲可以免费入场添!吓?你母胎单身?咁你要自己问主办单位啦……


《再这样下去很糟糕》一人一故事剧场(葵芳)
时间:下午8时 ‑ 9时30分
详情:https://timable.com/event/1662455


【星期日(7/15)】

你对本地设计有几多认识呢?呢个展览展出咗本地设计师李永铨嘅唔同作品,由理念、草图到作品都有。觉得好抽象?睇吓下面渠嘅几份作品,或者会勾起你对渠嘅兴趣:)


「玩.物.作」李永铨设计展(沙田)
时间:上午10时 ‑ 下午7时
详情:https://timable.com/event/1654175

平时印嘢,你听得最多嘅可能系数码印刷或者系柯式印刷。但系欧美,有一种印刷技术叫Risograph。渠印出嚟比数码更有风味,价钱又比活版印刷平,所以系设计圈颇为流行。「走啤」算系香港首个Risograph嘅展览,展出《走啤》54张啤牌同周边商品展示,另外亦有risograph 嘅简介。

「走啤」展览(石峡尾)
时间:下午1时 ‑ 6时30分
详情:https://timable.com/event/1663349


你系可乐迷吗?咁你就要听实啦!ZERO为咗满足一众可乐迷,决定标奇立异(官方话系打破既有框框咁啰)推出期间限定「可乐研究室」,选用可口可乐入饌,研制出一系列美食同特饮。最吸睛嘅当然系可乐液晶球,有兴趣就去睇吓详情啦!

ZERO ☓ Made in HK Restaurant「可乐研究室」(旺角)
时间:中午11时 ‑ 下午11时
详情:https://timable.com/event/1662645

《公司很感谢你》香港话剧团(中环)
假期嘅最后一日,系时候调整吓心情准备听日返工……呢出以办公室政治为题嘅德国当代戏剧,传统企业在新经济时代来个大翻身,刻划上班族新旧思想的冲突,掀起一场老忠臣捍卫之战。作品充满讽刺同黑色幽默,可能你睇完之后…就会把心一横射波(误)


时间:下午7时45分 ‑ 9时45分
详情:https://timable.com/event/1611901