望吓今个星期六日嘅日程表~好似几Full咁喎!虽然天气仲系麻麻,不过连假期都屈系屋企好似仲辛苦。趁假期不妨同朋友出去睇吓展览/听下音乐会,之后再去兰桂坊个美食节扫街就啱哂啦!即睇今个星期有咩行程~


【星期六(7/21)】


《加菲猫》可以话系唔少人嘅回忆,适逢渠40岁生日,尖沙咀一大型商场就同《加菲猫》Jim Davis一齐搞咗亚洲首个《加菲猫》漫画、艺术跨界联展~场内除咗有唔少打卡位,仲有呢40年嘅经典作品原画同手稿,仲有《加菲猫》嘅「进化图」睇添!

【Glamorous 40: Garfield’s Asia Art Tour】加菲猫漫画x艺术跨界联展(柯士甸)
时间:上午10时 ‑ 下午10时
详情:https://timable.com/event/1658511


行远少少~又有另一个商场展览。冇错!就系大家期待已久嘅Sailor Moon限定店啦!
美少女战士相信系唔少8/90后嘅童年回忆~最近渠地频频系日本推出限定商品,今次终于轮到香港!美战迷一定唔可以错过啦~

「Sailor Moon 月光传说」场景布置及期间限定店(尖沙咀)
时间:上午11时30分 ‑ 下午7时30分
详情:https://timable.com/event/1667876

行咗一阵觉得攰,又系时候同好姐妹去High Tea~韩国嘅美妆品牌VDL最近就同皇家太平洋酒店合作~推出超梦幻嘅Tea Set。一边倾计,一边望住个维港叹美食~食完仲有免费化妆品拎走!周末就系要咁样先爽嘛。

皇家太平洋酒店 X VDL 「夏日限定Glam me Up下午茶」(尖沙咀)
时间:下午3时 ‑ 5时30分
详情:https://timable.com/event/1670539

音乐会唔一定要去红馆/文化中心嘅~最近唔少商场都搞多咗呢类型嘅Busking Event,今个星期嘅Gimme LiVe就有Gin Lee,Robynn & Kendy同麦家瑜等六个表演单位。


【Gimme LiVe】 音乐节 2018(尖沙咀)
时间:下午6时30分 ‑ 7时30分
详情:https://timable.com/event/1653453

一年一度嘅书展当然要去凑下热闹啦!不过小编就推介大家去夜场,一来食完晚饭可以当散步,二来夜场比日场少人咁多,行都行得舒服啲啦?

香港书展2018 [第29届]
时间:上午10时 ‑ 半夜
详情:https://timable.com/event/1574523

【星期日(7/22)】

今个周末天气似乎比上星期好~所以都要把握机会出室外行下。今个星期赤柱美利楼继续有周末市集,除咗卖一般嘅手作同护肤品,仲有啱哂你只宝贝宠物嘅小食、衫衫同埋摄影服务添!有宠物嘅朋友不妨去行下,顺便再去赤柱泳滩休息下。

宠人宠物夏日市集(南区)
时间:下午1时 ‑ 8时
详情:https://timable.com/event/1644811


除咗赤柱泳滩~附近浅水湾都有活动喎!参加者只要系「可口可乐」冰樽摊位接受「冰镇俄罗斯方块」游戏挑战,成功砌出「可口可乐」冰樽图案就有机会赢得限量版嘅「可口可乐」冰樽乙支。

「可口可乐」冰樽首次登陆香港(南区)
时间:下午2时 ‑ 6时
详情:https://timable.com/event/1670463

继《公司感谢你》之后,又有一套以办公室为题材嘅舞台剧~今次个故事系讲三位员工准备要同上司会面,而渠地其中一人将会被炒鱿鱼。三个人究竟点样说服上司唔好炒渠,当中又有几多尔虞我诈、利益斗争(唔系宫心计果种)?想知就要入场睇啦!


《职业狂牛》设计对白(湾仔)
时间:下午3时 ‑ 4时20分
详情:https://timable.com/event/1659607


假期最后一日~当然要趁机会疯一场!今年嘅音乐啤酒节,兰桂坊就有超过40个摊位提供超过200款唔同口味嘅啤酒、美食同埋其他互动游戏。留意渠地今年仲参与咗「玻璃回收建明天」计划~啤完之后记得拎个樽去回收啦!

兰桂坊音乐啤酒节 2018(中环)
时间:下午1时 ‑ 11时55分
详情:https://timable.com/event/1630506