暑假已经差唔多过咗一半~系时候带小朋友放低功课同iPad,出去开开心心放下电喇!今个周末有唔少亲子活动(室内室外都有)~非常适合一家大细一齐玩,有啲仲啱出生无耐嘅BB参加㗎!即刻睇吓编辑推介嘅8个活动啦。

【星期六(7/28)】

#1: 愉景湾夏日满Fun 2018(离岛)
时间:上午11时 ‑ 下午6时
详情:https://timable.com/event/1666053
今个星期六、日天气都唔错,不过温度都几高(摄氏28-33度)~怕热嘅朋友不妨带小朋友去愉景湾参加夏日嘉年华。 主办单位系沙滩设置咗一系列嘅大型充气游戏,组成「恐龙历险乐园」。当中除咗充气滑水梯仲有水上派对,同埋唔同嘅Q 版运动游戏,包保小朋友玩到唔想走!


#2:「泡夏 泡夏」互动装置及游乐园(中环)
时间:中午 ‑ 下午6时
详情:https://timable.com/event/1672193
夏天,为大地带嚟雨水……唔系呀!今次系带嚟泡泡~讲嘅唔系真嘅泡泡,而系望落一模一样嘅装置艺术。除咗唔洗担心小朋友整污糟手,小朋友又唔洗担心泡泡会穿,无论大人细路都可以疯狂打卡影相啦~(编按:啲泡泡真系好靚~记得要带相机去影呀!)


#3:「F1 Kids夏日小巡警」(西区)
时间:下午3时 ‑ 5时30分
详情:https://timable.com/event/1670539
留咗咁耐室外,系时候入返商场凉一凉冷气~西区一个商场最近就搞咗个夏日小巡警嘅体验运动~等渠地可以一尝做小警察嘅滋味。

#4: 一田「玩具祭」(西区)
时间:上午9时 ‑ 下午9时30分
详情:https://timable.com/event/1671259

想买平价玩具嘅话,就要把握机会啦!时关今个周末就系一田「玩具祭」嘅最后几日~其实有时玩玩具真系好过玩电话~对眼仔好啲,又可以训练小朋友嘅立体触觉。

【星期日(7/29)】

#5: 挪亚方舟「职业特工大本营」(马湾)
时间:下午1时 ‑ 8时
详情:https://timable.com/event/1644811
寻日就带咗小朋友去扮小警察~如果唔够喉嘅话,可以去埋呢个职业特工大本营,畀小朋友亲身试做八种唔同职业,包括飞机师、消防员同赛车手等等,同场仲有转为小警察而设嘅射撃训练。透过摸拟嘅职业训练~除咗可以满足小朋友嘅好奇心,仲可以启发渠地唔同方面嘅兴趣添!

#6: 《小雨点.大体验》宝宝音乐剧场 (葵青区)
时间:中午 ‑ 下午12时35分/下午3时 ‑ 3时35分/下午5时 ‑ 5时35分(三个时段)
详情:https://timable.com/event/1646959
如果小朋友太细,对职业可能未有太多认识,小编推介渠可以参加呢个互动音乐剧场。呢个剧场专为手抱同爬行BB而设,以不同嘅装置,透过渠地嘅触觉去认识呢个大自然。

#7:「LEGO我们的游乐场」互动游乐区及期间限定店 (荃湾)
时间:上午10时30分 ‑ 下午9时30分
详情:https://timable.com/event/1667552
LEGO可以话系大人细路都钟意嘅玩具之一。为庆祝LEGO®颗粒诞生60周年,荃湾广场举办咗一个大型互动游乐区,除咗展出唔同年代嘅经典LEGO展品,仲有限定店畀大家买到心头好!(小心又畀老婆话你嘥钱买玩具。)