单身过圣诞?五个踢走Lonely Christmas方法!

作者: Timable, 2018年12月3日 (一) 下午6时33分


临近圣诞,街里爱人一对对,有冇单身狗朋友都担心紧自己要点过?以下有五个活动建议,圣诞都唔洗怕出街俾人闪盲喇!


1. 相约单身朋友
身边都有单身朋友的话就紧系一齐过啦!搵个朋友屋企搞house party(多人亦都可以拣party room),食下嘢、玩下game、交换礼物,一齐踢走Lonely Christmas!


2. 铺置家居
冇朋友都唔洗怕,衬放假可以整理下屋企,将一直唔顺眼或者唔顺手嘅物件转换下位置,感觉已经好唔同!再顺便加上小小嘅圣诞装饰,例如挂一串小灯泡、挂个圣诞花环喺门口、买棵迷你圣诞树放系屋企等,环境涣然一新,心情都靚啲。仲可以同屋企人整埋圣诞大餐食!


3. 去旅行
有冇一直想去嘅地方但约唔到人去?鼓起勇气来一次个人旅行,建议去啲冇咁浓厚节日气氛嘅地方,可以偏向近郊景点,例如西藏或者东京近郊,成个行程自己话事,可以欣赏沿路美景洗涤心灵、叹尽当地美食、结识当地人,享受个属于自己嘅假期!


4. 自我增值
平日返工/返学太忙都冇时间去做嘅事,衬放假搵返自己兴趣出嚟!可能系睇书、画画、练乐器、摄影等,或者去报读兴趣班/工作坊,重拾返自己兴趣。冇特别兴趣嘅朋友都可以喺屋企做下运动,可以上网搵健身或做瑜珈嘅教学影片,培养做运动嘅习惯。始终健康好紧要,平日空闲时都可以keep住做㗎!


5. 报佳音
不论有冇宗教信仰,都可以跟身边有返开教会嘅朋友喺平安夜去唱下歌、报佳音。唔洗怕丑,沿路都会有途人主动一齐合唱,互相送上祝福,过一个特别嘅圣诞节。


祝大家有个开心嘅圣诞节,好好享受埋2018年最后嘅假期,准备迎接新一年嘅来临啦!

文: vc