圣诞必睇灯饰 2018

作者: Timable, 2018年12月5日 (三) 上午11时16分


又到圣诞~又到圣诞~圣诞节就梗系要睇灯饰啦!想知除咗尖东海傍,仲有边度有得睇?等小T话你知啦!


咁首先就介绍一下例牌嘅尖东海傍灯饰先。今年么地道嘅两条天桥会以礼物花装饰,而尖沙咀中心同帝国中心有维港上最大的多媒体幕墙,由6万5千颗变色LED圆点灯组成。另外,么地里有铺天灯海,系必到影相位。

外墙设有灯饰的建筑物包括:
么地道天桥
么地里
九龙香格里拉大酒店
千禧新世界香港酒店
南洋中心
富豪九龙酒店
尖沙咀中心及帝国中心
帝苑酒店
永安广场
海景嘉冻洲际酒店

呢度有片睇:https://www.facebook.com/timable.hk/videos/511300929372596
详情:https://timable.com/event/1723751




今年圣诞灯饰另一个重头戏一定系利东街嘅"The Spirit of Christmas"!
"The Spirit of Christmas"系英国购物大道摄政街(Regent Street)着名嘅华丽圣诞灯饰企划,由1954年开始已经有。而今年系呢个圣诞灯饰企划首次走出英国,同利东街合作,将五个具代表性嘅灯饰搬到香港。虽然唔够英国原装嘅华丽,但利东街嘅"The Spirit of Christmas"仲有飘雪效果,可以扮去咗外国呀~

呢度有片睇:https://www.facebook.com/timable.hk/videos/489738618181536
详情:https://timable.com/event/1716965




而同样系港岛区嘅利园灯饰都好值得去喎!因为有大家最钟意嘅星光回廊,而且色彩灿烂嘅灯泡布满恩平道上空,成条街组成嘅,唔使咁迫呀,个个位都打到卡。另外,利园一期仲会喺夜晚开始,每半个钟上演6分钟「幻彩瑰丽灯光表演」,大家留意番啦!

详情:https://timable.com/event/1734857
同场加映米创作20周年原画展:https://timable.com/event/1728500




喺湾仔嘅「星街小区」今年就以圣诞驯鹿为主题,发光嘅鹿群包围着星街同永丰街。另外仲有蓝色LED灯打造嘅银河隧道同埋两棵大圣诞树,三个打卡位,慢慢影相!

详情:https://timable.com/event/1741771




返番嚟九龙区,必去嘅一定系海港城嘅室外灯饰!今年海港城以"Christmas Treasures"做主题,喺露天广场筑起超过40米长嘅圣诞大桥同60呎高嘅巨型圣诞树。而啲圣诞树唔系净系圣诞树咁简单,因为圣诞大桥上面嘅圣诞树系挂满灯饰,夜晚6点至10期间,每逢搭正同搭半就会有圣诞音乐灯光汇演睇。另外,同场仲有全球最大嘅三角镜影像万花筒,影相真系一流!

呢度有亮灯片睇:https://www.facebook.com/timable.hk/posts/2149898471707069
呢度就有三角镜影像万花筒片睇:https://www.facebook.com/timable.hk/posts/2149843878379195
详情:https://timable.com/event/1727715




同样系九龙区,旺角MOKO以圣诞树吊饰为灵感,特设一个巨型圣诞球同粉红圣诞树。同平时嘅灯饰唔同,大家可以过一个bling bling又特别嘅圣诞啦!

详情:https://timable.com/event/1735031



新都会广场嘅灯饰就啱晒情侣啦,露天广场摇身一变成为玫瑰花之园,入面有水晶玫瑰圣诞树、星光隧道同霓虹玫瑰墙等,十分啱情侣影相呀!

详情:https://timable.com/event/1721052




呢个圣诞除咗睇灯饰,仲有好多商场装饰都好靚㗎,大家唔好错过啦!
各大卡通X商场装饰传送门:https://timable.com/blog/1725716
圣诞市集传送门:https://timable.com/blog/1732378
更多圣诞活动传送门:https://bit.ly/2RrOpJb

文:NC