鲤鱼门 海鲜街
想食新鲜嘅海鲜,鲤鱼门大街绝对够多选择!由油塘地铁站步行15-20分钟就到!沿住海滨路一直行,有唔同嘅海鲜餐厅同多年历史嘅小店,加上有独特嘅村落氛围,好有怀旧特式。


鲤鱼门灯塔

穿过海鲜街,向前走就会去到石滩,就会见到出名嘅鲤鱼门灯塔。同对岸港岛嘅鲤鱼门红色灯塔相映成趣!呢个灯塔影到嘅日落绝对值得打卡!


鲤鱼门石矿场

除咗有灯塔美景,仲有荒废石矿场可以打卡!撞正秋冬时节,仲会影到芒草!唔好睇鲤鱼门似乎只系一个小渔村,其实以往都系靠挖矿为生,到60年代先停用,加上芒草,令石矿场更有一种原始自然嘅气色!

觉得只玩半日唔够?仲可以夹啱时间于三家村码头乘坐渡轮前往东龙岛!不过小T建议将早上行程安排去东龙岛,再于日落时分返鲤鱼门灯塔影日落!


东龙岛 海天一色绝美景色

留意三家村码头渡轮服务只会于星期六、日及公众假期行驶!而且尾班船于5:00返岸!东龙岛除咗四面环海,可以影到水天一色嘅独特景色之外,仲系行山同露营嘅好地方!


白色灯塔 悬崖峭壁

穿过露营区及炮台就会见到一座白色灯塔,不过步行前程灯塔的路十分崎岖,面且走到灯塔附近也要小心出涌的大浪!但绝对系一大美景打卡位,不过细胆朋友就唔好试喇,而且真系要小心安全呀!


假日士多 美味冬菇饺

岛上只有一两间士多可以为游人提供简单食物,好似餐蛋面、水饺等等!小T极度推荐假日士多嘅冬菇饺!粒粒冬菇较晒香,而且胀卜卜,味道十分唔错!

撰文:Chuckle
图片来源:网络