今年情人节对情侣嚟讲,一定少咗好多乐趣喇,不过留喺屋企两个人静静过仲Sweet喇,等小T推介有咩家中活动畀大家喇!男朋友们,记住做足准备呀,唔系女朋友会嬲嬲猪㗎!


煮饭仔
情侣们一齐留喺屋企,医肚梗系首要喇,同女朋友齐齐煮下饭仔,就算唔识,两个一齐跟食谱研究,一齐做同一件事,增加交流,都系促进感情同增加回忆嘅方法!


情侣档打机
女朋友成日都唔明男仔点解咁钟意打机,或者呢个系将女朋友变机迷嘅机会,介绍下你呢排玩紧咩Game畀渠,同渠一齐打!不过千祈唔好嫌渠系猪队友,要有耐心!再唔系搵啲啱渠,渠又有兴趣嘅PC机同渠一齐玩,增加渠对打机嘅兴趣!


睇爱情电影Sweet下
虽然疫情下唔适合出街睇戏,不过都可以睇Netflix,又或者上网搵爱情戏睇,记住就算你对情情塔塔嘅戏冇兴趣,都要搵定多几套,畀渠拣!重点系陪渠睇,𠱁下渠开心!


惊喜不可少
虽然今年唔使Plan去边度玩同Book枱,但最好都系准备定喺屋企可以做咩好,同埋买定情人节礼物,重点系畀女朋友见到你有用心准备!而唔系咩都冇諗过!就算系同平日做嘅嘢,花多少少心思,𠱁下渠喇!