【抗疫生活】养宠物家居清洁注意!

作者: Timable, 2月12日 (三) 下午3时27分


抗疫除咗带口罩,仲有清洁家居。人人都抢漂白水呢类清洁用品,各位奴才就唔好跟住抢埋一份啦,因为有啲清洁用品成份系对主子有害!毛孩经常喺地下行走同休息,如果渠地舔地板或毛发沾到清洁用品,再唔小心食返落肚就危险啦。

不建议使用
漂白水


从2003年沙士开始,政府宣传用1:99或1:49呢两个稀释度使用漂白水。虽然咁做系清洁又卫生,但呢个浓度对毛孩嚟讲系好危险。渠地误食漂白水会损坏肠胃,即使唔系直接接触到,都有潜在中毒风险。

含PCMX的清洁剂


含Chloroxylenol/PCMX(氯二甲酚)的消毒水,所以能够有效消毒同清洁。但毛孩身体无法分解酚类物质,若果宠物长期吸入到酚,有害物质就会积聚喺体内,影响健康。

含氯、乙二醇醚或甲醛等成分的清洁剂
以上成份有可能会令毛孩患上癌症、贫血等疾病,亦损害肝和肾脏功能。很多多功能清洁液、洗衣液、清毒湿纸巾、霉菌清洁剂等都含氨气成份。即使唔系用喺清洁宠物用品,但因为氨气多数会下沉,容易聚喺较接近地板嘅位置。加上宠物呼吸比人类急促同快,容易吸入到更多氯,会刺激毛孩呼吸道,亦会破坏毛孩皮肤、眼睛同身体其他黏膜。

建议使用天然清洁剂


稀释的醋加水(1:1)
尽量调至味道不强烈,始终强烈味道对人畜都不好。

食用梳打粉 洗宠物毛巾及床铺


毛孩用过的毛巾及床铺,清洗时加一勺梳打粉,可有效去除「噏」臭味,亦可保持衣物柔软。亦可使用食用梳打粉清洁宠物用品,先开暖水,再加入两勺梳打粉,再用刷清洁玩具用品,再天然晒干风干。


注意
-毛孩像小孩一样都充满好奇心,所以清洁时最好带它远离环境
-养成每日清洁好习惯,自然不用用上强烈的清洁剂

图片:网络