【香港游】靚景行山路线 「破边洲」欣赏海平线

作者: Timable, 2020年2月28日 (五) 上午4时03分


最近大家都钟意行山,行山本意系好,健康之余又可以晒吓太阳,个人都精神啲!但最错嘅行为就系破坏环境,乱抛垃圾,建议行山时自备小胶袋,自己垃圾自己带走。各位行山新手,经过呢段抗疫时间都行咗唔少山,可以根据自己能力挑战难度!

破边洲位于粮船湾东面,西贡万宜水库东坝附近。渠系被分割出嚟嘅一座小岛,展现咗一种典型嘅海蚀地貌──海蚀柱,亦系靚景打卡位之一。破边洲原本系花山嘅一部分,但因为长期受海浪冲击,最后同花山分离。沿岸嘅石柱几乎系垂直咁竖立喺海中,形状就好似巨大嘅管风琴。

到达万宜水库东坝后,就要搵万宜水库东坝纪念碑(蓝色锚形石)对面嘅梯级,系前往花山破边洲嘅入口,然后一直向上走,右转穿过丛林,就到达破边洲十字架,望出去就系一片无际嘅汪洋,可以坐低慢慢欣赏海平线。前往破边洲嘅沿途,有好多看似惊险,实质都安全嘅打卡位。就吓角度就影到「高难度」画面,大家唔好为咗影靚相而冒险呀!




离开破边洲十字架后,遇上分叉路后左转,前往检猪湾。之后会有更多分叉路,好容易错过打卡位。但记住沿住花山山腰一直走就会去到七重石滩,仲可以落去叠下石仔。


之后就会去到白腊滩,同样都系石滩。离开后会经过大草原,穿过草原后左转前往白腊湾,一个水清沙幼嘅沙滩,附近仲有间士多可以补给。最后沿石屎路离开,乘坐的士或其他交通。

难度:
4星

全长:
约4.3 公里

约需:
3 - 4 小时

注意:
沿路有未被开发嘅丛林,必须穿合适衣服和鞋。

走近破边洲有一段崎岖悬崖小径,有一定嘅危险性,大家要小心!

山径几乎被掩没,入口当相隐蔽,甚至要弯身走路。

交通资讯(一般交通工具不可驶入万宜东坝):
直接从西贡市乘坐的士到万宜东坝(约$120)

或乘坐西贡市中心94号巴士到北潭涌,再步行3小时或转乘的士(约$70)

或乘坐开往钻石山港铁站的96R巴士(仅在周末及公共假期行驶),在北潭涌后下车。沿大网仔路前行至岔路口,靠右沿西贡万宜路继续步行约9公里,或转乘的士

(只限星期日及公众假期)在北潭涌后下车,乘坐新界专线小巴9A号线往返北潭涌与万宜水库东坝之间

图片授权:Nick Tsang、网络