周末又到啦,諗好同另一半去边玩未呢?小T觉得拍拖唔洗安排密麻麻活动嘅,去一个地点行下,再搵间同区Cafe坐吓食吓嘢就心满意足啦。

湾仔峡公园位于湾仔峡道,公园入面有间童话小屋,小屋上面写住泰文,屋外被植物包围,有《借东西的小矮人亚莉亚蒂》嘅感觉。大家系咪好奇怪,到底呢间系咩屋呢?其实渠只系一个「布景板」,并非一间完整嘅屋。不过呃吓like影相都几靚嘅!

留意返,湾仔峡公园打卡位置唔多,但沿途行上去可以当系一个短途郊游路线。步行路径多斜路,大家要视乎返体力啦!行到宝云道同湾仔峡道交界会有公厕同休息位置。最后,行到去荷兰径,就好接近今次介绍嘅地点啦!入口位会见到湾仔峡公园牌。



图片来源:[email protected]_byee


图片来源:[email protected]_glv

前往湾仔峡公园方法
步行:湾仔港铁站A3出口,步行大约40-50分钟到湾仔峡道游乐场。

交通:厦门街坐15号巴士前往山顶道,下车步行两分钟到达

湾仔有好多小店Cafe,打完卡不如静静地坐低,睇吓靚相啦!呢间位于汕头街嘅Mansons Lot咖啡店,门面以木为主,有种日式小店嘅感觉。


不过Cafe嚟讲,最重要都系有好咖啡。除咗有咖啡提供外,小店仲有All Day Breakfast、意粉同汉堡包,仲有甜品等等。咁多选择,无论几点去都一定满足到你!不过假日人多,有机会等候时间较长。


Mansons Lot

地址
湾仔汕头街15号地下

营业时间
星期一至日
08:00 - 18:00

图:Mansons Lot FB专页