[全纪录] Loud Festival 闹哄哄音乐节 2011 Hong Kong

作者: Timable, 2011年8月21日 (日) 上午2时43分


自上年o系台湾同红馆睇完周姐卵之后,諗都冇諗过今年有机会再睇周生! (周生系黑莓的华语Big4喔!) 当知道有呢个show的时候,真的超级兴奋,十分担心有Timable帮手都会买唔到飞! 一早同Timable帮主讲明帮渠免费做10只job都要扑到张飞呀! 结果到左订飞同公售,最平的$280极速售罄,其他价钱,销情惨淡. 香港人真现实,之前姐卵个唱,最快卖晒的系最贵飞,如今有几个单位的show,就只会用返几份一的价钱睇,港人数口真系精到冇朋友!

唔好斋讲姐卵,咁仲有咩单位呢? 苏打绿! 台湾精们一定喜欢! V4? 唔知系边位! 袁咏琳,姐卵师妹,之前睇姐卵show都见过了. 温岚,第一代J女郎啰! 会唔会代替Jolin又跳返次"给我一首歌的时间"? 呢个show之前有一站在马来西亚,今次来到香港,多左队本地姜Mr. 睇完个list,黑莓肯定姐卵系会摆最尾,问题系渠地会唔会有crossover的呢?

开场了,仲有少量$480/$680的位置是吉的! (派飞都派唔晒? 主办做乜唔比d Timable帮手派呀?!) Stage正中有只高清大mon,冇lag的,灯光亦都几唔错! 第一个表演单位系苏打绿! 台湾精们起哄!!! 黑莓平日甚少听苏打绿,对上一次煲系因为渠地同方大同&二湾娜场拉阔. 不过每一次听渠地唱live都十分享受,词写得好靚,旋律很特别,音乐很清新,主唱青峰把声更时不可多得! 乸得黎是可以接受的那种! (除左渠个绿色头小弟唔系好接受到之外) 较深刻的有"近未来". "十年一刻"当然识,不过渠出左道10年了吗? 小弟第一次睇渠地系2008年在西九龙(个文化区到而家仲未动工喔!!!)的Wild Day Out,当时渠地唔o岩o岩出道的吗?

渠系青峰,虽然唔系青蜂侠,不过渠唱歌都不需要替身!

7首歌,刚刚好,当然唱多2首很不嫌多! 之后是V4. 甚么来的? 不知道! 睇poster见系女子组合,仲希望系d台湾版Nobody Nobody but You有性感令女睇下! 点知,原来系队band! Well,本人都冇几可睇女子band,都几appreciate! 话晒小弟讲左话想夹band 19几年都未拎起过支结他学do re mi! 不过听落就有点出事,有点大陆feel... 事后才知渠地真系NDS(即内地生),同埋渠地已经唱晒渠地所有o既歌!!! 因为原来只EP就系得2只歌! 好彩,否则唱多2只就惨了! 不是歧视,只系渠地o既音乐要坚持大陆feel的话,在中国以外系唔会有市场的喔!

然后是姐卵师妹Cindy,快歌慢歌都唔觉有咩特别.而且唱歌都唔系十分突出.懂不懂唱歌,有冇功力,听尾音就知! (超级巨声几时搵我上去做评判?) 师妹尾音唔得,请多多努力! 唱Rihanna的英文歌,我宁愿你好似上次o系姐卵个唱咁唱返只"黑色幽默"好过!

其实Alan都好落力的演出!

到左本地姜Mr.,现场有d反应! (唔知系咪因为闷场了一会儿) 起音乐蛮high,主唱大人一开声就出事了,真的没甚感染力....黑莓第一次睇Mr.时渠地系唱左几首Eason的歌,当时觉得不错,期待渠地自己的歌! 可惜而家有些少失望. 主唱在rock,却rock不起观众... 较享受的是guitar solo的时候,不错! 但校声的问题,结他条声唔够出,被其他声盖过了! 这是香港乐坛的深层次问题,有时一队band,结他比主音更紧要喔! 唔Rock的"想太多"同"森林"都蛮不错! "如果我是陈奕迅"gimmick过后就不再好听了!

到第一代J女郎温岚,老实说,除了同周董合唱的"屋顶"外,的确冇听过! 一出场,原来是快歌的... 舞是跳得好,初时有萧亚轩feel,睇落有d李玟,再睇耐d,唱"D.I.S.C.O",好谢金燕,好想渠唱"哔哔哔"! 全场反应一般,然后3首慢歌,还可以,不过可能大家都在等姐卵的关系,都冇乜心情细味! 点知仲未唱完,整首"魔力High Q"你叹,听歌名已O咀,完全不合香港国情! 之后再唱多只"傻瓜",不错,不过我还是在期待姐卵的出场...

万众期待!

到喇! 终于到喇!
呢个moment o既欢呼声,仲多过之前成晚加埋晒o既total! 全场企晒起身! 就知其实成个场有几多位系为左周生而来!
"本草纲目"不看歌词的话,以黑莓的国语水平系唔会听到任何一只字! 不过都好high,因此我一早当左周生去左日本发展,间中唱下日文歌咁,都系一只字都听唔明!
返入后台之后,边弹琴边升上来喔! 所弹的,小弟听得出有Maksim的"Flight Of The Bumble Bee",亦有古典的Turkish March,然后紧接"说好的幸福呢"! 周生就系最叻耍呢d 屌! 把声不在状态,就住唱...不过粉丝们是不会理的!
"免费教学录影带"又一摆明耍屌歌,仲要改歌词搞到d 粉丝不停尖叫,真正听到周生唱o既其实冇几多...

姐卵弹琴时永远是最屌的!


快歌完,琴弹完,屌耍完,到结他了! 周董3人3结他(vs一峰一人一结他 =p),想不到会玩"最后的战役"的结他Unplugged版! 算是成个show最有心思的一只歌!
然后是中国风"青花瓷",头半只都系一齐弹结他,后半就斋唱了!
之后出"双节棍"! 喔! 一出呢只歌,咪即系玩完?! 咁快?! 渠系咪打算以后呢世o既concert最后都系呢只歌?!
不过,我地当然唔介意,照样一齐哼哼哈兮!!!
短短6首歌,系周董concert的超浓缩版! 样样齐~ 不过真系太短啦! 等左成晚得6首...

弹结他都超屌o者!

諗住呢d show做完就收工,冇encore.不过见渠唔开灯,又原来有encore嫁喎! 但"双节棍"唱左,唔好唱"周大侠"呀大佬...
结果竟然系唱"屋顶"! 系喎,同第一代J女郎同场,冇奶油唔唱啦!
就系咁,就完场了~

高清mon打格仔...(坏左一格)

整体来说,头同尾都好看! 中间的Mr.说真的,真的不太够好! 我都好希望香港的乐队可以更进一步! 其他的时间实在有点闷场... 而Production亦十分唔错,mon靚,灯靚,声就还可以啦! 唔知渠会唔会做第3站嫁呢?! 当然,以上所有均纯属个人意见,同Timable立场无关! 就算我冇左份工,都唔好累左个website嘛,话晒家阵香港好多concert-holics都系靠Timable o既第1手资料生存,如果个web冇左就大件事啦!

仲要等多2年周生先再开concert...不过渠寻晚话不如每年都黎香港开场小型演唱会,系就好! 不过最好系好次今次闹哄哄音乐节咁先好,冇咁多人争飞! 如果系周生solo,咪仲难买飞过红馆开~ 咁我宁愿你唔开了!!! (劲自私=p)

=====后记=====
我坐o系$480正面台,坐我后面的,系几位究极港女!
开场前冇野,开场后,丧尖叫,系刺耳o个只!
(小弟睇show当食饭,有咩尖叫未听过,但呢次真系忍无可忍)
我怒睥渠,渠即时收声.不过当我转返个头过来时,渠又继续!
嗌,我都会,甚至乎应该话,睇show嗌系应该的,咁先系good audience!
冇歌手钟意台下的观众如死鱼吧!
但都应该理性,同o系适当时候嗌,而唔系呢种严重影响身边o既人欣赏个show o既权利o既嗌.
(嗌得最劲o个位港女隔离o个位都同渠讲: 边个坐你附近真系惨!)
当4周围o既人都望你o既时候,系咪应该收歛一下呢?!
渠地唔尖叫o既时间,讲野又大大声,讲d o既又冇品.
最搞笑o既系我身边2位观众,顶唔顺,拎袋走,相信系调去吉位.
渠地起身走之际,其中一名港女问: 做乜走呀?
我仲以为渠地系识o既,不过见2位调位观众冇答渠地,亦一去冇回头,先知渠地原来系唔识的.
其实我都好想走位,不过为左以最正中o既位置影相分享俾各位Timable粉丝,唯有死顶...

还好到了周董时,渠发左颠咁冲左去远d d o既地方.
虽则都仲系听到渠丧尖叫,不过已经算系全晚较为舒服o既时间!
忍不住在这开腔怒插,其实支持偶像不是罪.
黑莓几十岁人仲追偶像,系因为我觉得生活上要有多d passion,做人先会开心.
而音乐,偶像都系会令人有passion的其中一d事!
o系香港地生活已经艰难,可以搵到d野唔太驶去用脑而去支持,去enjoy的,实为好事!
不过你咁样支持偶像,系over左,系错左啰...
真系祝你男朋友好运! (if any)


=====歌单Setlist=====

苏打绿
01/ 狂热
02/ 御花园
03/ 嬉戏之后
04/ 早点回家
05/ 近未来
06/ 小情歌
07/ 十年一刻

V4
08/ 我以为
09/ 梦想

袁咏琳
10/ 笨鱼
11/ 你不爱我了
12/ Love the way you lie (OT: Rihanna)

Mr.
13/ 黑色狂迷
14/ Storm
15/ 零时起哄
16/ 摇摆
17/ 两大无猜
18/ 想太多
19/ 森林
20/ 如果我是陈奕迅

温岚
21/ 热浪
22/ 放开你的头脑
23/ D.I.S.C.O
24/ 蓝色雨
25/ 夏天的风
26/ 祝我生日快乐
27/ 魔力High Q
28/ 傻瓜

周杰伦
29/ 本草纲目
30/ 说好的幸福呢
31/ 免费教学录影带
32/ 最后的战役 (结他Unplugged)
33/ 青花瓷
34/ 双节棍

Encore:
周杰伦 X 温岚
35/ 屋顶

Timable特约记者: 黑莓
摄影: 黑莓
20/08/2011