呢几年,香港o既新商场如雨后春笋,当中以尖咀最百花盛放: TheONE, K11, iSquare等,甚至远至新蒲岗o既Mikiki同将军澳o既Popcorn都各具特色! 唯独传统Shopping旺区铜锣湾,好似静左少少喎~

等了又等,终于有新场了! 前兴利中心(即铜锣湾三越百货),等候多年,终变身全新地标「希慎广场 Hysan Place」! 有咩野玩? Timable 直击今日o既新闻发布会,带大家先睹为快!


楼高17层的全新商场,汇聚潮服,美容,生活,文化同美食于一身,国际品牌包括GAP, Hollister, REDValentino,同埋首次进军香港o既New York服饰品牌Nanette Lepore!

除左国际品牌,仲有女士专层「Garden of Eden」,由室内设计到货品种类,都系为女士们贴心订造,营造「伊甸园」的感觉,咁就连湿平都湿得有灵气过人啦! 呢层连男士洗手间都冇,只有女士的~ 好彩呢排平机会主席林生忙到爆o者~ 否则? 哈哈!

行到支力支力地,饿饿地,搵野食先! Food Court? 系咪即系要落地库层? 错了! Hysan Place 的Food Court在11/F! 食都食得高过人! 12-14/F仲有其他特色国际美食添~ 死啦,10几楼咁高,拎左张飞,行行下唔觉唔觉又过左Number,冇得食啦! 非也! Hysan Place引入左最先进o既高科技中央等位嗌飞系统,o系商场每个角落都会见到你等紧o既餐厅嗌到几多号~ 咁就唔怕冇好野食,可以放心湿平啦!

嫌Fashion/美容/美食度度都有? 唔够特别? BUPA! (不怕!) Hysan Place绝对唔会令你失望! 传闻左好耐o既诚品香港店终于证实落户Hysan Place,仲要系全世界第一间台湾以外o既诚品书店!!! 有3层之多,足足超过4万呎!!! 以后唔驶去台湾都有得行诚品,实在是一个超级大的亮点呀!!!

女士专层,加埋文化书店,男士都仲唔o岩心水??!! Um...唔怕! 传闻,只系传闻,香港第2间Apple Store生果铺将会落户Hysan Place!!! 发布会期间,高层们对此三缄其口,不过睇Presentation幅图,个外墙又真系几似IFC间Apple Store喎! 希望愿望成真啦!

希慎广场 Hysan Place将会于2012年8月10日星期五正式开幕! 诚品会唔会同日开张,就要等官方进一步公布喇! 而o个间生果铺呢? 希望都会一齐开啦!!!

去铜锣湾行街街,将会有一番新景象!
记得留意官方同Timable的新消息喇~


CEO刘先生

启超道Conical Wall,一脉相连Lee Gardens


Timable采访: 黑莓 (10/07/2012)