十个为甚么典解一定要去Clockenflap

作者: Timable, 2015年11月9日 (一) 下午7时22分


有冇听过 / 有冇去过Clockenflap? 旧年有成4万几人去Clockenflap,如果你冇去过,Well~都有可能嘅~话晒香港有成七百几万人。但系,你睇完呢篇文,今年就真系冇可能唔去,典解? 睇完咪知十个为甚么典解一定要去Clockenflap啰!

一/ 得渠一个 - 有啲欧洲地方好似荷兰咁基本上个个Weekend都会有大大细细嘅音乐节。咁香港呢?听台湾歌的有《呼叫音乐节》,从前嘅《Wild Day Out》同《银矿湾沙滩音乐节》又冇咗喇,要喺香港Enjoy一个真.国际级音乐节,就系得Clockenflap一个咁大把咋!

二/ 感觉外国 - 香港都好真系好少呢类又音乐又艺术又亲子嘅户外活动,加上大家席地而野餐,在草地上奔跑嬉戏,又好多男女亲热场面,当然唔少得台上表演都以外语为主,不期然会唔记得咗自己身处香港,土地问题、铅水、胶官等仿佛突然间消失晒~

三/ 今年最大 - 西九文化区讲咗咁多年,都真的动工了。听闻下年会有好大面积动咗工,即系唔会有今年咁大面积。所以话如果你想去一个最享受最大最好feel最睇唔晒最大笨象嘅Clockenflap,今年系最好机会了!

四/ 梗系听歌 - 香港不乏外国歌手/乐队来港开Show表演,但机场/会展/九展外国Show动辄一千几百。今年Clockenflap有超过150个大大细细嘅Line-up,爆红嘅有,indie嘅又有,local嘅又有,总之咩类型嘅音乐都有,嚟自唔同国家嘅音乐,miss咗呢世都未必有机会听得返Live!

五/ 劲多个台 - Clockenflap嘅舞台,仲多过你屋企部电视嘅(免费)电视台! 10个舞台同时或梅花间竹咁上演精彩音乐表演,钟意边个就睇边个,同你喺红馆被迫睇厕所位完全唔同feel,有得拣,你至系老板~

六/ 一家大细 - 如果你屋企有小朋友,Weekend又冇得唔理渠哋,大概你都冇得带埋渠哋入机场睇外国Show吧! 嚟Clockenflap就可以,除咗有大草地俾渠哋跑跑跳跳,仲有好多亲子活动俾同小朋友一齐得咁开心! 唯一担心嘅就系小朋友玩到唔舍得走,但老豆想去睇THE LIBERTINES,阿妈想去睇卢广仲,典算?

七/ 美食佳肴 - 玩足成日,肚仔梗系会饿,但如果你讲「医肚」就未免太冇要求。Clockenflap精挑细选咗好多香港至新至潮嘅热门餐厅在场提供美食,当然唔少得有酒精类饮品等大家听歌听得尽兴啲.If you drink,除咗Don't Drive,仲有Don't Kai~ 咪做傻事呀~

八/ 文化艺术 - 除咗音乐,艺术同文化一直都系Clockenflap「最核心嘅核心价值」,所以周围都有艺术展品,又有歌剧、杂技、奇趣体操同喜剧等世界级表演,仲有电影棚放映多部本地同来自世界各地嘅短篇电影同动画,唔理你系真定伪文青,都一定啱晒你!

九/ 朋友欢聚 - 成日同啲朋友都唔知Weekend有咩好玩,虽则用咗Timable之后都已经多嘢玩咗好多,但Clockenflap简直就系精选中嘅精选! 一大班Friend,霸个好位,玩嘅玩,训嘅训,睇Show嘅睇Show,咁样样过一个Weekend,唔叫爽皮叫咩呀?!

十/ 无敌日落 - 叫得西九梗系向西,望住无敌维港景,到5点几开始日落,海面变成金黄色,天上嘅云变成橙红色,仲有粒鸡蛋黄,加埋草地、音乐、啤酒、朋友、自由等等,简直想有阿学友哥嚟唱返只《夕阳醉了》,不过未等到学友哥,我都已经醉咗lu~

文就睇完,是咪欲罢不能先?
睇埋Line-up,更加想听日就系Clockenflap啦!
Clockenflap Line-up on Timable:
http://timable.com/page/clockenflap?m=f