2014年2月21日 (星期五)

免费
提供



网络世界咁大,除有一众娱人娱己嘅YouTubers、bloggers、插画家呢班网络「明星」,亦有另1班有视野嘅I.T.人,透过制作网站赚钱之余,重默默建立1套全新嘅价值观,改变网民浏览习惯。 今期「Wero」嘅2位主角、活动资讯平台网站Timable创办人Mike同Sam,2010年因「无聊」而揼咗Timable呢个消闲资讯网,2012年全身投入网站管理,2013年已经回本;网站每月平均浏览量由最初30万人次去到2013年平均300万人次,又搵到西九文化艺术区、Yahoo!等「大客」合作。咁成功,全因Mike同Sam愿意全情投入,渠哋话除咗见到有商机,重希望改变香港人嘅諗法:搵地方hea?上Timable搵啦!

Timable简介
香港消闲节目活动搜寻平台,提供音乐、展览、话剧、节庆资讯,其后重加入旅游、数、亲子、时尚等范畴。亦有话剧、演唱会等票务买卖。

因冇节目创业 未做访问前,由Timable易用嘅网页设计以至丰富嘅内容,笔者以为渠哋公司好大规模,员工冇100都几十。但当去到渠哋嘅办公室,先知原来只系请咗1位员工,3个人喺1间约100呎嘅办公室办公!

两位老板——80后嘅Mike同Sam系中学同学,虽然大学时代分别入读科技大学同香港大学,但同样都系选修computer engineering,渠哋志趣相投,大家都钟意饮咖啡,Mike话:「09年嗰阵我哋各自有份正职,不过闲时都会出嚟玩。有日我哋2个坐喺间coffee shop,諗嚟諗去都諗唔到去边度玩,于是就諗:香港可能有好多活动或者艺术展览发生紧,但因为冇渠道宣传,于是就出现『有人冇活动去,有活动冇人去』嘅情况。」 于是,渠哋开始分工合作:Sam负责写网站程式;Mike负责搵活动资讯。大家可能唔识读网站名称Timable,Sam就教大家:「渠系读『Time麻部』,呢个字系我哋创,系有『time table(时间表)』嘅意思,亦系我哋设计网站嘅概念。喺香港,同一日唔同时分都有各项活动进行紧,我哋想用『时间』为主打搜寻方法,方便读者依自己嘅时间搵活动。当然,我亦有活动类型嘅搜寻功能,方便喜好某种活动类型嘅读者。」

对于普罗大众嚟讲,可能觉得搵活动资讯只要上网就得,原来绝对唔系。「边个话?初时搵资讯真系搵到头痛!」Mike话:「虽然话各大机构同组织都愿意提供活动资讯,不过渠哋好多都冇网页,我要成日出去文娱中心单张同打电话先到资料。」(Oscar)