藝術三月系列: 香港藝術月活動巡禮!

作者: Timable, 3月15日 (四) 下午5時50分

每年一到三月香港都會俾一股藝術氣息濃罩住。全港唔同地方都舉行緊唔同既藝術展覽,每年仲有好多大型既藝術裝置,吸引大眾去影相打卡,一齊擁抱藝術!

1. 「拉闊藝術」展覽 @ 海港城 - 欣賞由韓國帶黎既大型藝術雕塑

海港城既商場範圍多左好多得意既動物!當中北極熊同長頸鹿最吸晴。喺商場門外既北極熊ss以pastel colour為主,睇落好soft~不過細心發現,佢地雖然可愛,但睇落好瘦弱,肚扁扁咁,點解會咁既?


原來創作者係想大家關注全球暖化既問題,冰川融化令到北極熊既生活造成好大影響:( 大家睇藝術品打卡既同時都要好好諗下當中背後既意思呀~



而喺商場入面超!巨!型!既長頸鹿!好震撼呀!原來長頸鹿有分3個部分,就係過去、現在、同未來。創作者作品既角色都係一啲可愛得意既外貌同人類既身軀,想觀眾欣賞藝術品既時間可以回想起童年既時光~好窩心呀!

「拉闊藝術」展覽 @ 海港城詳情:timable.com/event/1601474


2. 「藝遊維港」賽馬會藝術教育計劃 - 唔洗錢有得睇重量級大師藝術品!

轉個頭帶大家過過海去到中環~中環海濱既藝遊維港有19位來自世界唔同各地既藝術家參展,一共展出左21件大型藝術品。藝術人,快啲一齊去潮聖啦!


全場焦點:草間彌生 「大南瓜」

《Pumpkin: big》係草間彌生知名作品之一,但你又知唔知南瓜對呢位藝術女王有咩意義呢?想知就快啲去認識下喇~

「藝遊維港」賽馬會藝術教育計劃詳情:timable.com/event/1596965


3. 亞洲當代藝術展 (春季展) 2018 - 超大型藝術展覽!繪畫雕塑攝影作品一次過睇哂~

亞洲當代藝術展黎緊會喺3月尾號舉行喇!當中有新晉藝術家創作既原著繪畫、雕塑同攝影作品等緊你去睇!今次展覽仲有2個特別節目,做文青唔只睇下藝術品咁簡單,仲可以深入了解藝術品既背後意義,係個好好既體驗黎嫁!

“Charlie Chaplin” by Vipanee Suesakul, 2017, 120 x 140 cm, Oil Painting, WE Gallery, China

“An Ordinary Person - 30” by Lim Jeongah, 2012, 35 x 35 cm, Acrylic on Pannel, Gallery Violet, South Korea

亞洲當代藝術展 (春季展) 2018詳情:timable.com/event/1552825


4. "Ceramic Works and..." 奈良美智個人展 - 相隔3年再度來港 奈良美智全新作品!

奈良美智3月尾終於返黎開展覽呀,對上一次作品展已經係3年前,fans們等到頸都長~今次展覽會有全新既作品,除左繪畫之外仲有陶瓷雕塑同紙上作品睇。作為文青既我真係好期待呀!!



"Ceramic Works and..." 奈良美智個人展詳情: timable.com/event/1610210

譔文:PC