【抗疫生活】養寵物家居清潔注意!

作者: Timable, 2月12日 (三) 下午3時27分


抗疫除咗帶口罩,仲有清潔家居。人人都搶漂白水呢類清潔用品,各位奴才就唔好跟住搶埋一份啦,因為有啲清潔用品成份係對主子有害!毛孩經常喺地下行走同休息,如果佢地舔地板或毛髮沾到清潔用品,再唔小心食返落肚就危險啦。

不建議使用
漂白水


從2003年沙士開始,政府宣傳用1:99或1:49呢兩個稀釋度使用漂白水。雖然咁做係清潔又衛生,但呢個濃度對毛孩嚟講係好危險。佢地誤食漂白水會損壞腸胃,即使唔係直接接觸到,都有潛在中毒風險。

含PCMX的清潔劑


含Chloroxylenol/PCMX(氯二甲酚)的消毒水,所以能夠有效消毒同清潔。但毛孩身體無法分解酚類物質,若果寵物長期吸入到酚,有害物質就會積聚喺體內,影響健康。

含氯、乙二醇醚或甲醛等成分的清潔劑
以上成份有可能會令毛孩患上癌症、貧血等疾病,亦損害肝和腎臟功能。很多多功能清潔液、洗衣液、清毒濕紙巾、霉菌清潔劑等都含氨氣成份。即使唔係用喺清潔寵物用品,但因為氨氣多數會下沉,容易聚喺較接近地板嘅位置。加上寵物呼吸比人類急促同快,容易吸入到更多氯,會刺激毛孩呼吸道,亦會破壞毛孩皮膚、眼睛同身體其他黏膜。

建議使用天然清潔劑


稀釋的醋加水(1:1)
盡量調至味道不強烈,始終強烈味道對人畜都不好。

食用梳打粉 洗寵物毛巾及床鋪


毛孩用過的毛巾及床鋪,清洗時加一勺梳打粉,可有效去除「噏」臭味,亦可保持衣物柔軟。亦可使用食用梳打粉清潔寵物用品,先開暖水,再加入兩勺梳打粉,再用刷清潔玩具用品,再天然曬乾風乾。


注意
-毛孩像小孩一樣都充滿好奇心,所以清潔時最好帶牠遠離環境
-養成每日清潔好習慣,自然不用用上強烈的清潔劑

圖片:網絡